Sangamam.

Aboo Kattil.

Winners.

Runners up Prize.

Election.

Audience.

Lin up.

ഒരാള്‍ തനിച്ചാകുമ്പോള്‍ അയാള്‍ എന്താകുന്നുവോ അതായിരിക്കും ഒരു വ്യക്തിയുടെ സം‌സ്‌കാരം.ഇതാണ്‌ സംസ്‌കാരത്തെ കുറിച്ചുള്ള പൊതു നിര്‍‌വചനം.ഒരാള്‍ രഹസ്യ സങ്കേതത്തിലാണെങ്കിലും പരസ്യ മൈതാനങ്ങളിലാണെങ്കിലും; നിരീക്ഷണ വിധേയനാണെന്ന ബോധത്തോടെയുള്ള അടക്ക അനക്കങ്ങള്‍;എന്നതത്രെ വിശ്വാസിയുടെ സം‌സ്‌കാരത്തെ കുറിച്ചുള്ള നിര്‍‌വചനം.

Friday, 23 August 2019

സന്നദ്ധ സം‌ഘം പുറപ്പെട്ടു

തിരുനെല്ലൂര്‍:തിരുനെല്ലൂര്‍ മഹല്ല്‌ ജുമാ മസ്‌ജിദ്‌ പരിസരത്ത്‌ നിന്നും മഹല്ല്‌ ഖത്വീബ്‌ അബ്‌ദുല്ല അഷ്‌റഫിയുടെ പ്രാര്‍‌ഥനയോടെ അതിജീവനത്തിന്റെ പാതയില്‍ നന്മ തിരുനെല്ലുരിന്റെ സന്നദ്ധസേവന യാത്ര പ്രാരം‌ഭം കുറിച്ചു.

സുമനസ്സുകളും പ്രമുഖരും നന്മ ഭാരവാഹികളും സഹചാരികളും സന്നിഹിതരായിരുന്നു.യാത്രാ സം‌ഘത്തിന്റെ ഔദ്യോഗിക ഫ്ലാഗ്‌ ഓഫ്‌ തിരുനെല്ലൂര്‍ സെന്ററില്‍ വെച്ച്‌ പ്രോഗ്രാം കണ്‍‌വീനര്‍ റഹ്‌മാന്‍ തിരുനെല്ലൂര്‍ നിര്‍‌വഹിച്ചു.

നന്മ തിരുനെല്ലൂര്‍ സമാഹരിച്ച 400 ൽ പരം കുടുംബങ്ങൾക്കുള്ള 5500 കിലൊ ഗ്രാം നിത്യോപയോഗ സാധനങ്ങളുടെ കിറ്റുകളും വീടുകളില്‍ നിന്നും സമാഹരിച്ച വസ്‌ത്രങ്ങളും മറ്റും
അടങ്ങുന്ന വാഹന വ്യുഹം പുറപ്പെട്ടു.

സമാഹരണ പ്രക്രിയയില്‍ സുമനസ്സുകളുടെ പിന്തുണയും സഹകരണവും ആവേശകരം.തിരുനെല്ലൂര്‍ യുവ ജന കായിക വിഭാഗങ്ങളായ തിരുനെല്ലൂര്‍ റാബ്സ് ടീമും,ഫാമോസ് ടീമും നന്മ തിരുനെല്ലൂരുമായി സഹകരിക്കുകയും ആദ്യാന്തം പ്രവര്‍‌ത്തന നിരതരായി രം‌ഗത്തുണ്ടായിരുന്നതായും ഔദ്യോഗിക വൃത്തങ്ങള്‍ നന്ദിയോടെ സ്‌മരിച്ചു.

സം‌ഘത്തില്‍ സേവന സന്നദ്ധരായ ഇരുപത്തിയെട്ട്‌ പേര്‍ ഉണ്ടെന്ന്‌ കണ്‍വീനര്‍ പി.എം ഷംസുദ്ദീന്‍ അറിയിച്ചു.

നന്മ തിരുനെല്ലുരിന്റെ കൈതാങ്ങ്‌

തിരുനെല്ലൂര്‍:അതിജീവനത്തിന്റെ പാതയില്‍ നന്മ തിരുനെല്ലുരിന്റെ കൈതാങ്ങ്‌.സമാഹരണ സം‌രം‌ഭത്തില്‍ യുവജന കായിക വിഭാഗത്തിന്റെ സജീവത പ്രശംസനീയം.സമാഹരണ പ്രക്രിയയില്‍ സുമനസ്സുകളുടെ പിന്തുണയും സഹകരണവും ആവേശകരം.വിശിഷ്യാ യുവ ജന കായിക വിഭാഗങ്ങളായ തിരുനെല്ലൂര്‍ റാബ്സ് ടീമും,ഫാമോസ് ടീമും നന്മ തിരുനെല്ലൂരുമായി സഹകരിക്കുകയും ആദ്യാന്തം പ്രവര്‍‌ത്തന നിരതരായി രം‌ഗത്തുണ്ടായിരുന്നതായും ഔദ്യോഗിക വൃത്തങ്ങള്‍ നന്ദിയോടെ സ്‌മരിച്ചു.

നന്മ തിരുനെല്ലൂര്‍ സമാഹരിച്ച 400 ൽ പരം കുടുംബങ്ങൾക്കുള്ള 5500 കിലൊ ഗ്രാം നിത്യോപയോഗ സാധനങ്ങളുടെ കിറ്റുകളും വീടുകളില്‍ നിന്നും സമാഹരിച്ച വസ്‌ത്രങ്ങളും മറ്റും വയനാട്ടിലേയ്‌ക്ക്‌ കൊണ്ടു പോകാനുള്ള ഒരുക്കങ്ങള്‍ പൂര്‍‌ത്തിയായി.23.08.2019 വെള്ളിയാഴ്‌ച വൈകുന്നേരം 4 മണിക്ക്
തിരുനെല്ലൂര്‍ സെന്ററില്‍ നിന്നും വയനാട്ടിലേക്ക് പുറപ്പെടും. ഇരുപത്തിയഞ്ച് പേർ അടങ്ങുന്ന യൂത്ത് വിംഗ് പ്രവർത്തകരും നന്മ പ്രവർത്തകരും യാത്രാ സംഘത്തിലുണ്ടാകും.

വയനാട്ടിൽ എത്തിയതിനു ശേഷം പ്രവർത്തിക്കുന്നതിനെ കുറിച്ച് കൃത്യമായ ധാരണ മേഖലയിലെ വിശ്വസനീയ കേന്ദ്രവുമായി ബന്ധപ്പെട്ട്‌ വ്യക്തത വരുത്തിയിട്ടുണ്ടെന്ന്‌ കണ്‍‌വീനര്‍ അറിയിച്ചു.
----------
നന്മ തിരുനെല്ലൂര്‍ പ്രോഗ്രാം കണ്‍‌വീനര്‍ റഹ്‌മാന്‍ തിരുനെല്ലുരിന്റെയും ജനറല്‍ കണ്‍‌വീനര്‍ ഷിഹാബ്‌ എം.ഐയുടേയും നന്ദി പ്രകാശനത്തിന്റെ പൂര്‍‌ണ്ണ രൂപം ഇവിടെ കൊടുക്കുന്നു...
............

പ്രിയരേ, അസ്സലാമു അലൈക്കും.

പ്രകൃതിദുരന്തങ്ങൾ സർവ്വനാശം വിതച്ച വയനാട് മേഖലയിലേക്ക് സാന്ത്വന സ്പർശവുമായി  
'നന്മ തിരുനെല്ലൂർ ' സമാഹരിച്ച അഞ്ചര ടൺ ഭക്ഷ്യ സാധനങ്ങളും അടുക്കള സാമഗ്രികളും ദുരന്തബാധിതരായ സഹോദരങ്ങളുടെ കൈകളിലേക്ക് എത്തിക്കുന്നതിനു വേണ്ടി നന്മ യുടെ സാരഥികളും നന്മ യൂത്ത് വിങ്ങ് / ഫാ മോസ് ടീം പ്രതിനിധികളും അടങ്ങിയ സന്നദ്ധ സംഘം ഇന്ന് 4 മണിക്ക് പുറപ്പെടുന്നു.

അതിജീവനത്തിന്റെ പാതയിൽ 'നന്മ' യുടെ ഈ ജീവകാരുണ്യ പ്രവർത്തനങ്ങളിൽ  മനുഷ്യ പക്ഷത്ത് നിലകൊള്ളുന്ന നന്മയുടെ ഉറവിടങ്ങളായ വ്യക്തികളാണ് ഈ കൊച്ചു സംഘത്തിന് ഊർജവും പ്രചോദനവും പ്രോത്സാഹനങ്ങളും സർവ്വോപരി സാമ്പത്തിക / സാങ്കേതിക സഹായങ്ങളും നൽകിയതും നൽകിക്കൊണ്ടിരിക്കുന്നതും... ആ സുമനസ്സുകളോടുള്ള നന്ദിയും കടപ്പാടും വാക്കുകൾ കൊണ്ട് തീരാവുന്നതല്ല.

നന്മ സമാഹരിച്ച ഈ സഹായം ഇൻ ശാ അള്ളാ.. നാളെ തന്നെ അർഹരായവരിലേക്ക് എത്തിച്ചു കൊടുക്കാനാണ് തീരുമാനിച്ചിട്ടുള്ളത്.

നന്മയുടെ സന്നദ്ധ സംഘം 4 മണിക്ക് പുറപ്പെട്ട് അപകടങ്ങളും ആപത്തുകളും മറ്റ് തടസ്സങ്ങളൊന്നും ഇല്ലാതെ ലക്ഷ്യസ്ഥാനത്ത് എത്തിച്ചേരുവാനും ലക്ഷ്യം പൂർത്തികരിച്ച് തിരിച്ചെത്തുവാനും സംഘാംഗങ്ങളുടെ ആരോഗ്യ രക്ഷക്കും വേണ്ടി എല്ലാവരും ദുആ ചെയ്യുക. അള്ളാഹു വിന്റെ കാവലും  കാരുണ്യവും അനുഗ്രഹങ്ങളും എല്ലാവരിലും  ഉണ്ടാകട്ടെ.
ഈ സംരംഭവുമായി സാമ്പത്തികമായും ശാരീരികമായും സാങ്കേതികമായും സഹകരിച്ച എല്ലാവർക്കും അർഹമായ പ്രതിഫലം അള്ളാഹു നൽകുമാറാകട്ടെ - ആമീൻ.

വലിയ തോതിലുള്ള കഠിനാദ്ധ്വാനവും ചിട്ടയായ പ്രവർത്തനങ്ങളും ഈ റിലീഫ് സമാഹരണത്തിന് വേണ്ടി വന്നിട്ടുണ്ട്. കാലവും നേരവും  വകവെക്കാതെയായിരുന്നു ആ പ്രവർത്തനങ്ങൾ:
ചെയർമാർ ഇസ്മായിൽ, വൈസ് ചെയർമാൻ ജലീൽ, കൺവീനർ ഷംസുദ്ദീൻ, കോ-ഓർഡിനേറ്റർ റഷീദ് എന്നിവരുടെ നേതൃത്വത്തിൽ  നന്മയുടെ സജീവ അംഗങ്ങളുടെയും  യൂത്ത് വിങ്ങ് / ഫാമോസ് ടീം അംഗങ്ങളുടെയും സഹകരണത്തോടെ നടത്തിയ ഈ പ്രവർത്തനങ്ങൾ പ്രശംസനീയമാണ്. അവർക്കും അള്ളാഹു അർഹമായ പ്രതിഫലം നൽകി അനുഗ്രഹിക്കട്ടെ - ആമീൻ...!

ഇന്ന് 4 മണിക്ക് കേന്ദ്ര മദ്രസ്സയുടെ പരിസരത്ത് നിന്നും ഖത്തീബ് ഉസ്താദിന്റെ പ്രാർത്ഥനക്ക് ശേഷം പുറപ്പെട്ട് പാടത്തെ പീടിക സെന്ററിൽ നിന്നും ഈ സന്നദ്ധ സംഘത്തെ യാത്രയാക്കാൻ എല്ലാവരേയും സ്നേഹപൂർവ്വം ക്ഷണിക്കുന്നു.
പ്രോഗ്രാം കൺവീനർ - നന്മ
റഹ്‌മാന്‍ തിരുനെല്ലൂര്‍
-------------
ക്ഷേമം നേരുന്നു...
നന്മ തിരുനെല്ലൂര്‍ ആവിഷ്‌കരിച്ച്‌ നടപ്പാക്കാനുദ്ധേശിക്കുന്ന സദ്‌ ഭാവനകള്‍ ഓരോന്നും വളരുന്നതും വിടരുന്നതും വിളയുന്നതും ഹൃദ്യമായ അനുഭവമാണ്‌.

അല്ലാഹുവിന്‌ സ്‌തുതി.അല്ലാഹുവിന്റെ അനുഗ്രഹാശിസ്സുകളോടെ ഒരു സം‌ഘം നന്മേഛുക്കളുടെ പൂര്‍‌ണ്ണാര്‍‌ഥത്തിലുള്ള സഹകരണമാണ്‌ നന്മയുടെ പ്രവര്‍‌ത്തന വിജയത്തിന്റെ രഹസ്യം.ഈ കര്‍‌മ്മ പരിപാടിയില്‍ നന്മയുടെ യുവജനവിഭാഗം പ്രകടിപ്പിച്ച കര്‍‌മ്മോത്സുകത ഏവരുടേയും പ്രശം‌സ പിടിച്ചു പറ്റുന്നതായിരുന്നു

ഈ പ്രളയ ബാധിത മേഖലയില്‍ ദുരിതമനുഭവിക്കുന്നവര്‍‌ക്ക്‌ വേണ്ടിയുള്ള സമാഹരണം വിരാമം കുറിക്കുകയാണ്‌.വയനാട്ടിലേയ്‌ക്ക്‌ പോകാനുള്ള എല്ലാ  സജ്ജീകരണങ്ങളും ഒരുങ്ങിക്കഴിഞ്ഞു.
നിരര്‍‌ഥകമായ കാര്യങ്ങള്‍‌ക്ക്‌ വേണ്ടി മത്സരിച്ചോടിക്കൊണ്ടിരിക്കുന്ന സമൂഹത്തില്‍ നന്മയുടെ മാര്‍‌ഗത്തില്‍ മത്സരിച്ച്‌ മുന്നേറുന്ന കര്‍‌മ്മ സരണി ഒരുക്കി മാതൃകയാകാനുള്ള ക്രിയാത്മകവും അതിലേറെ സര്‍‌ഗാത്മകവുമായ ശൈലി സ്വാഗതം ചെയ്യപ്പെട്ടു കൊണ്ടിരിക്കുന്നു.

നന്മയുടെ മഹാ ദൗത്യങ്ങള്‍ വിജയിപ്പിച്ചെടുക്കാനുതകുന്ന വിധം സഹൃദയര്‍ പ്രകടിപ്പിച്ച എല്ലാ അര്‍‌ഥത്തിലുള്ള ഭാഗദേയത്തത്തിനും നന്ദി പ്രകാശിപ്പിക്കുന്നു.

ഒപ്പം ഈ പ്രവര്‍‌ത്തനങ്ങളില്‍ പങ്കാളികളായവരുടെ സഹായ സഹകരണ വിഹിതങ്ങള്‍ സല്‍ കര്‍‌മ്മമായി സ്വീകരിക്കുമാറാകട്ടെ.സമാശ്വാസ പ്രവര്‍‌ത്തനങ്ങളും സമാഹരണ പ്രക്രിയകളും സദുദ്ദേശത്തോടെയുള്ള ചുവടുവെപ്പുകളും, ആത്മാര്‍‌പ്പണ പ്രക്രിയകളും അല്ലാഹു സ്വീകരിക്കുമാറാകട്ടെ.സദ്‌ കര്‍‌മ്മങ്ങളുടെ പ്രതിഫലനം ഈ ലോകത്തും പ്രതിഫലം പരലോകത്തും അനുഗ്രഹീതനായ തമ്പുരാന്‍ അനുവദിക്കുകയും അനുഗ്രഹിക്കുകയും ചെയ്യുമാറാകട്ടെ.

ജനറൽ കൺവീനർ നന്മ തിരുനെല്ലൂർ
ഷിഹാബ്‌ ഇബ്രാഹീം

Wednesday, 21 August 2019

നന്മയുടെ പാരമ്പര്യം

തിരുനെല്ലൂര്‍:അതിരുകളില്ലാത്ത ഗ്രാമീണ   നന്മയുടെ പ്രസാരണവും പ്രചാരണവും തിരുനെല്ലൂര്‍ എന്ന നന്മ ഗ്രാമത്തിന്റെ പൈതൃകമാണ്‌.പൂര്‍‌വ്വികരില്‍ നിന്നുള്ള ഈ പരമ്പരാഗത പൈതൃകം ഏറ്റെടുക്കാന്‍ നിയുക്തരായവരായിരിക്കണം നന്മ തിരുനെല്ലൂര്‍ എന്ന കൊച്ചു സം‌ഘം.നന്മ തിരുനെല്ലൂര്‍ സീനിയര്‍ നേതാക്കള്‍ അഭിപ്രായപ്പെട്ടു.

കഴിഞ്ഞ ദിവസം ചേര്‍‌ന്ന നന്മ പ്രവര്‍ത്തക സമിതിയില്‍ പ്രളയ ബാധിത മേഖലയിലേയ്‌ക്കുള്ള ദൗത്യ സം‌ഘത്തെ അയക്കുന്ന സാഹചര്യത്തിലുള്ള തീരുമാനങ്ങള്‍‌ക്ക്‌ അന്തിമ രൂപം നല്‍‌കി സംസാരിക്കുകയായിരുന്നു നന്മയുടെ പ്രതിനിധികള്‍.

പ്രളയ ബാധിതര്‍‌ക്ക്‌ വേണ്ടിയുള്ള സമാഹരണത്തേക്കാള്‍ ദുഷ്‌കരമാണ്‌ യാത്രയും സമാഹരിച്ച സാധനങ്ങളുടെ യഥാവിധിയുള്ള വിതരണവും.അതിനാല്‍ കൃത്യമായ അജണ്ടയും ഏകോപനവും വേണം.സമിതി അഭിപ്രായപ്പെട്ടു.

നന്മ ചെയർമാൻ ഇസ്മാഈൽ ബാവയുടെ അദ്ധ്യക്ഷതയിൽ അബ്‌ദുല്‍ ജലീൽ സാഹിബിന്റെ വസതിയിലായിരുന്നു യോഗം ചേര്‍‌ന്നത്.ക്യാബിനറ്റ് യോഗത്തിൽ ചര്‍‌ച്ച ചെയ്യപ്പെട്ട കാര്യങ്ങള്‍ ഓരോന്നും സമിതിയില്‍ വായിക്കുകയും വിശദികരിക്കുകയും അവതരിപ്പിക്കുകയും ചെയ്‌തതിനെ പ്രവര്‍‌ത്തക സമിതി അംഗീകാരം നൽകി.

പ്രോഗ്രാം ചെയർമാൻ റഹ്മാൻ തിരുനെല്ലൂർ കാര്യങ്ങള്‍ വിശദീകരിച്ചു.നന്മ രക്ഷാധികാരി ഹമീദ് ആർ.കെ,കൊ - ഓർഡിനേറ്റർ റഷീദ് മതിലകത്ത്, നൗഷാദ് വി.എ,നസീർ എന്നിവർ ചര്‍‌ച്ചയെ സജീവമാക്കി.

സമാഹരണ പ്രക്രിയയില്‍ ആദ്യാന്തം സഹകരിച്ച പ്രവര്‍‌ത്തകരെ വിശിഷ്യാ യുവ ജന വിഭാഗത്തെയും തുറന്ന മനസ്സോടെ സഹകരിച്ച നന്മേഛുക്കളേയും സമിതി പ്രശംസിക്കുകയും നന്ദി രേഖപ്പെടുത്തുകയും ചെയ്‌തു.തുടര്‍‌ന്നും ഇത്തരം സദ്‌ പ്രവര്‍‌ത്തനങ്ങളില്‍ നിര്‍‌ലോഭമായ സഹകരണങ്ങള്‍ ഉണ്ടാകണമെന്ന്‌ അഭ്യര്‍‌ഥിക്കുകയും പ്രാര്‍‌ഥിക്കുകയും ചെയ്‌തു.

23.08.2019 വെള്ളി വൈകുന്നേരം 4 മണിക്ക് വയനാട്ടിലേക്ക് പുറപ്പെടും. ഇരുപത്തിയഞ്ച് പേർ അടങ്ങുന്ന യൂത്ത് വിംഗ് പ്രവർത്തകരും നന്മ പ്രവർത്തകരും യാത്രാ സംഘത്തിലുണ്ടാകും.

സമാഹരിച്ച 400 ൽ പരം കുടുംബങ്ങൾക്കുള്ള 5500 കിലൊ ഗ്രാം നിത്യോപയോഗ സാധനങ്ങളുടെ കിറ്റുകൾ കൊണ്ടു പോകാനുതകുന്ന വാഹനങ്ങള്‍ ഒരുക്കും.

വയനാട്ടിൽ എത്തിയതിനു ശേഷം പ്രവർത്തിക്കുന്നതിനെ കുറിച്ച് കൃത്യമായ ധാരണ മേഖലയിലെ ഒരു വ്യക്തിയുമായി ബന്ധപ്പെട്ട്‌ വ്യക്തത വരുത്തിയ വിവരവും സമിതിയെ ധരിപ്പിച്ചു.

നന്മ തിരുനെല്ലൂര്‍ കണ്‍‌വീനര്‍ പി.എം ഷംസുദ്ദീന്‍ അംഗങ്ങളെ സ്വാഗതം ചെയ്‌തു. ജോ.കൺവീനർ സനൂപ് റഫീഖ് നന്ദി പ്രകാശിപ്പിച്ചു.രാത്രി 10.30 വരെ യോഗ നടപടികൾ നീണ്ടു.

Saturday, 17 August 2019

നന്മ മനസ്സുകള്‍‌ക്ക്‌ നന്ദി

പ്രളയ ബാധിത പ്രദേശത്തേയ്‌ക്കുള്ള നന്മ തിരുനെല്ലുരിന്റെ സമാഹരണ പ്രക്രിയ വിജയകരമായി പൂര്‍‌ത്തീകരിക്കുന്നതായി ബന്ധപ്പെട്ടവര്‍ അറിയിച്ചു.
 
ഒരു ഗ്രാമത്തിന്റെ നന്മയെ നിത്യ നൂതനമെന്നപോലെ ഹരിതാഭമാക്കി നില നിര്‍‌ത്തുന്നതില്‍ നന്മ തിരുനെല്ലൂരിനൊപ്പം സഹകരിക്കുന്ന എല്ലാ സുമനസ്സുകള്‍‌ക്കും നന്മ തിരുനെല്ലൂര്‍ നന്ദി പ്രകാശിപ്പിച്ചു.
 
നന്മ നിറഞ്ഞ പ്രവര്‍‌ത്തനങ്ങളില്‍ ആത്മാര്‍‌ഥമായി സഹകരിച്ചവര്‍‌ക്ക്‌ നന്മ തിരുനെല്ലൂര്‍ അറിയിച്ച നന്ദി പ്രകാശനത്തിന്റെ പൂര്‍‌ണ്ണ രൂപം താഴെ കൊടുക്കുന്നു.
>>>>>
ഒരു ഗ്രാമത്തിന്റെ നന്മയെ നിത്യ നൂതനമെന്നപോലെ ഹരിതാഭമാക്കി നില നിര്‍‌ത്തുന്നതില്‍ നന്മ തിരുനെല്ലൂരിനൊപ്പം സഹകരിക്കുന്ന എല്ലാ സുമനസ്സുകള്‍‌ക്കും ഒറ്റവാക്കില്‍ നന്ദി പറയട്ടെ.സഹോദരങ്ങളുടെ സുഖ ദുഃഖങ്ങള്‍ പങ്കിട്ടെടുക്കാന്‍ ലഭിക്കുന്ന അവസരങ്ങള്‍ ചുറ്റുവട്ടത്തായാലും അതിര്‍‌ഥികള്‍‌ക്കും അതിരുകള്‍‌ക്കും അപ്പുറത്താണെങ്കിലും സാധ്യമാകുന്നത്ര പരിശ്രമിക്കുക എന്നതത്രെ നന്മ തിരുനെല്ലൂരിന്റെ നയം.ഈ നയ നിലപാടുകളുടെ അടിസ്ഥാനത്തില്‍ കൂട്ടായ സഹകരണത്തോടെ രം‌ഗത്തിറങ്ങുമ്പോഴൊക്കെ തല്‍ ക്ഷണം കൈ മെയ്‌ മറന്ന്‌ ഭാഗഭാക്കുകളാകുന്ന സഹൃദയരോടുള്ള കടപ്പാട്‌ പറഞ്ഞറിയിക്കാനാകുകയില്ല.

അപരന്റെ വേദനകളും വേവലാധികളും കണ്ടില്ലെന്നു നടിക്കാന്‍ നന്മയുള്ളവര്‍‌ക്ക്‌ കഴിയില്ല.ഈ സദ്‌ വിചാരത്തെ നട്ടു നനച്ചു കൊണ്ടിരിക്കുന്ന ഒരു കൊച്ചു സം‌ഘം ജാഗ്രതയോടെയിരിക്കുമ്പോള്‍ വിശേഷിച്ചും.കൊടുത്തതൊക്കെ ബാക്കിയായി മിച്ചം വന്നതാണ്‌ നഷ്‌ടമായതെന്ന തിരു ദൂതരുടെ ശിക്ഷണം ശിരസ്സാ വഹിക്കുന്ന അനുയായികള്‍‌ക്ക്‌ സന്തോഷിക്കാം.സന്നദ്ധ സേവന സാന്ത്വന മേഖലയില്‍ നിര്‍‌ലോഭം ചെലവഴിച്ചതെല്ലാം നാമ്പിട്ട്‌ കൂമ്പിട്ട്‌ പുഷ്‌പിച്ച്‌ നൂറുമേനിയും കവിഞ്ഞ്‌ വിളയുന്നുണ്ടാകണം.

അഗതികള്‍ക്കും,അശരണര്‍‌ക്കും,അരിക്‌ വല്‍‌കരിക്കപ്പെട്ടവര്‍‌ക്കും സാന്ത്വനത്തിന്റെ തൂവല്‍ സ്‌പര്‍‌ശമാകുന്നവരുടെ സ്വര്‍ഗ്ഗീയമായ ഉയര്‍‌ന്ന വിതാനം നമ്മുടെ സങ്കല്‍പ്പങ്ങള്‍‌ക്കും അപ്പുറമത്രെ.നിഷ്‌കളങ്കമായ നമ്മുടെ കര്‍‌മ്മങ്ങള്‍ അല്ലാഹു സ്വീകരിക്കുകയും അര്‍‌ഹമയ പ്രതിഫലം അനുവദിക്കുകയും ചെയ്യട്ടെ.സദ്‌ കര്‍‌മ്മങ്ങള്‍ക്ക്‌ പകരമായി ഇഹപര സൗഭാഗ്യങ്ങളാല്‍ ആശീര്‍‌വദിക്കുമാറാകട്ടെ.നിര്‍‌ഭയത്തോടെ ആത്മാഭിമാനത്തോടെ ജീവിച്ച്‌ അല്ലഹുവിനെ കുറിച്ചുള്ള ദികറും ശുക്കറും ഫിക്കറുമായി പരലോകം പൂകുന്നവരുടെ കൂട്ടത്തില്‍ അനുഗ്രഹിച്ചരുളുമാറാകട്ടെ.ആമീന്‍.

പ്രളയ കാല സമാഹരണ പ്രക്രിയയില്‍ സഹകരിച്ച എല്ലാവര്‍‌ക്കും ഒരിക്കല്‍ കൂടെ  നന്ദി പ്രകാശിപ്പിച്ച്‌ കൊണ്ട്‌.
 
ജനറല്‍ കണ്‍‌വീനര്‍
ഷിഹാബ്‌ എം.ഐ
നന്മ തിരുനെല്ലൂര്‍

Tuesday, 13 August 2019

ഓര്‍‌മ്മയിലെന്റെ ഗ്രാമം

ഗ്രാമത്തിന്റെ കഥയും കവിതയും ചരിത്രവും ഒക്കെ കോറിയിട്ട ഒരു സുവനീര്‍ വര്‍‌ഷങ്ങള്‍‌ക്ക്‌ മുമ്പുള്ള സ്വപ്‌നമായിരുന്നു.

തിരുനെല്ലുരിന്റെ ഖത്തര്‍ പ്രവാസി സം‌ഘവും ഇവ്വിധമുള്ള ഒരു വിഭാവനയ്‌ക്ക്‌ ചിറകുകള്‍ തുന്നിയിരുന്നു.ദൗര്‍‌ഭാഗ്യകരം ഈ വിഭാവന പൂവണിഞ്ഞില്ല.സുവനീറിന്റെ എഡിറ്റര്‍ എന്ന നിലയില്‍ അജണ്ടപ്രകാരം ചെയ്യേണ്ടതെല്ലാം ചെയ്‌തിരുന്നുവെങ്കിലും മുദ്രണം ചെയ്യപ്പെട്ടില്ല.ഓണ്‍ ലൈനില്‍ സൂക്ഷിക്കപ്പെട്ട പ്രസ്‌തുത സുവനീര്‍ എഴുപത്തിമൂന്നാമത്തെ സ്വാതന്ത്ര്യ ദിനപ്പുലരിയില്‍ ഓണ്‍ ലൈനില്‍ പ്രസാരണം ചെയ്യും.

ഒരു ഏകാങ്ക നാടകം പോലെയായിരുന്നു സുവനീറിന്റെ പണിപ്പുരയില്‍ എന്നതത്രെ സത്യം.അതുകൊണ്ട്‌ തന്നെ പോരായ്‌മകള്‍ പലതും ചൂണ്ടിക്കാട്ടാനും കഴിയും.എന്നിരുന്നാലും ഈ ദൗത്യ നിര്‍‌വഹണത്തില്‍ എന്തൊക്കെയായിരുന്നു നടന്നിരുന്നത് എന്നെങ്കിലും വായനക്കാര്‍ അറിയട്ടെ.

വായനക്കാര്‍ക്ക്‌ ആസ്വദിക്കാനാകുന്നുവെങ്കില്‍ ഒരു സംഘടിത ശ്രമത്തിന്റെ ഫലമായിരിക്കണം.അരോചകമാകുന്നുവെങ്കില്‍ വ്യക്തിപരമായ എന്റെ പാകപ്പിഴവുകള്‍ കൊണ്ടുമാകണം.
 >>>>>
ഓര്‍‌മ്മയില്‍ എന്റെ ഗ്രാമം
>>>>>
പുരാവൃത്തങ്ങളില്‍ ഒരു ദേശത്തിന്റെ വായന : റഹ്‌മാന്‍ തിരുനെല്ലൂര്‍
ബാല്യകാലോര്‍മ്മകള്‍ : ഹമീദ്‌ ആര്‍.കെ
ഓര്‍‌മ്മയില്‍ നിന്നൊരു പഴങ്കഥ : മഞ്ഞിയില്‍
ഓര്‍മ്മച്ചിമിഴിലെ മുത്തുകള്‍: സൈനുദ്ധീന്‍ ഖുറൈഷി
അനുഗ്രഹീതമായ ഗ്രാമം : അബ്‌ദുല്‍ ഖാദര്‍ പുതിയ വിട്ടില്‍
വിസ്‌മൃതരാവാത്ത വ്യക്തിത്വങ്ങള്‍ : ഷിഹാബ്‌ ഇബ്രാഹീം
മായാത്ത ഓര്‍‌മ്മകള്‍ : ഷറി ഇഖ്‌ബാല്‍

എന്റെ ഗ്രാമം
>>>>>
പെരിങ്ങാട്‌ : മഞ്ഞിയില്‍ & സുവനീര്‍ ടീം
എത്രയെത്ര ചുവടുകള്‍: ഹമീദ്‌ ആര്‍.കെ & സുവനീര്‍ ടീം
കാരണവന്മാര്‍ :നാസര്‍ & സുവനീര്‍ ടീം
ജൈവ വൈവിധ്യങ്ങള്‍:അബു ബിലാല്‍ & സുവനീര്‍ ടീം
മസ്‌ജിദുകള്‍ : സുവനീര്‍ ഹിസ്‌റ്ററിക്കല്‍ ഡസ്‌ക്‌
കായിക തിരുനെല്ലൂര്‍ : സുവനീര്‍ സ്‌പോര്‍‌ട്ട്‌സ്‌ ഡസ്‌ക്
നാട്ടു വര്‍ത്തമാനങ്ങള്‍ : സുവനീര്‍ കള്‍‌ച്ചറല്‍ ഡസ്‌ക്

അണയാത്ത വിളക്കുകള്‍
>>>>>
മതിലകത്ത്‌ വീട്ടില്‍ അഹമ്മദ്‌
വൈശ്യം വീട്ടില്‍ അഹമ്മദ്‌ ഹാജി
ഗുല്‍ മുഹമ്മദ്‌ ബാവ
കെ.ജി സത്താര്‍
അബ്‌സാര്‍
അബ്‌ദുല്‍ റഷീദ്‌
മുഅദ്ധിന്‍ മുഹമ്മദാലി
വ്യക്തി മുദ്രകള്‍

>>>>>
റഹ്‌മാന്‍ തിരുനെല്ലൂര്‍
സൈനുദ്ദീന്‍ ഖുറൈഷി
ഷറഫു ഹമീദ്‌
റഷീദ്‌ കെ.ജി
അഷ്‌റഫ്‌ സുലൈമാന്‍
അനസ്‌ ഉമര്‍ പാലപ്പറമ്പില്‍
താജുദ്ധീന്‍ എന്‍.വി

സാം‌സ്‌കാരികം
>>>>>
പ്രഭാതത്തിലെ പനിനീര്‍: സുലൈമാന്‍ മുഹമ്മദ്‌ മോന്‍
ചിതൽ തിന്നാത്തത് : ഷമിര്‍ ഖാസ്സിം
വ്യാമോഹങ്ങളുടെ വ്യവഹാരം : കബീര്‍ വി.എം
യുദ്ധവും സമാധാനവും : സിയാദ് അബ്ദുൽ ഖാദർ പുതിയവീട്ടിൽ
ഒരു സ്വപ്ന യാത്ര : മുഹമ്മദ്‌ റാഫി
അന്ന് കണ്ടൊരാൾ : റാസ്‌മി മുഹമ്മദ്
പ്രതീക്ഷയുടെ കുളിര്‍‌കാറ്റ് : ഷിബ്‌ന മഷൂദ്
പിരമിഡുകളുടെ നാട്ടിലൂടെ :സജിത്‌ മുഹമ്മദ്‌

പ്രവാസ ലോകം:
>>>>>
മുന്‍ പ്രവാസി സാരഥികള്‍
ഏകാന്തതയുടെ തുരുത്തില്‍
പ്രദേശത്തിന്റെ വര്‍ത്തമാനം
മുശൈരിബ്‌ സ്‌മരണകള്‍

മാര്‍ഗ ദീപം
>>>>>
അബു ഖാസിം സഹ്റവി : സുലൈമാന്‍ മുഹമ്മദ്‌ മോന്‍
പഞ്ച കര്‍‌മ്മങ്ങളെക്കുറിച്ച്‌ : അന്‍‌സ്വാര്‍ അബ്‌ദുല്‍ അസിസ്‌
പവിത്രമായ സമ്പാദ്യം : അബ്ദുൽ ഖാദർ പുതിയവീട്ടിൽ
മകനെ അറിയുക. : ത്വാഹിറ ഇബ്രാഹിം നാലകത്ത്
മുകലിലുള്ളവരും പിന്നിലുള്ളവരും: യൂസുഫ്‌ ഹമീദ്‌
സോഷ്യല്‍ മീഡിയാ : ഹിബ അബ്‌ദുല്‍ അസീസ്‌
ലഹരി നാശങ്ങളുടെ താക്കോല്‍ : ഹമദ്‌ അബ്‌ദുല്‍ അസിസ്‌
കരിയര്‍ : ഷിയാസ്‌ അബൂബക്കര്‍
വിഭാവനയിലെ മഹല്ല്‌ : മീഡിയ വിഭാഗം

പഴയ താളുകള്‍
>>>>>
ഒരു ഡസനിലധികം വാര്‍‌ത്തകള്‍

നന്മ തിരുനെല്ലൂരിന്റെ തീര്‍‌ഥയാത്ര


കണ്ണീരണിഞ്ഞ കേരളത്തിന്റെ ദുരിതങ്ങള്‍‌ക്കിടയിലും ബലിപെരുന്നാളിനെ സ്വീകരിക്കാന്‍ നമുക്ക്‌ സാധിക്കുന്നുണ്ട്‌.

കാരണം ഇസ്‌ലാമിലെ അനുഷ്‌ഠാനങ്ങള്‍ പോലെത്തന്നെ കേവലം ആഘോഷങ്ങള്‍‌ക്കായൊരു ആഘോഷവും വിശ്വാസികള്‍‌ക്ക് അനുശാസിക്കപ്പെട്ടിട്ടില്ല.

വിശ്വാസികള്‍‌ക്ക്‌ അനുവദിക്കപ്പെട്ട രണ്ട്‌ പെരുന്നാളുകളുടേയും ആത്മാവ്‌ ത്യാഗത്തിലധിഷ്‌ഠിതമത്രെ.നന്മയും സ്‌നേഹവും സഹകരണവുമാണതിന്റെ സൗന്ദര്യം.സേവനസന്നദ്ധതയാണതിന്റെ പ്രതാപം.പ്രതിജ്ഞാബദ്ധതയാണതിന്റെ കാമ്പും കാതലും.

ഒരുക്കിവെച്ചതെല്ലാം ഒലിച്ചു പോയതില്‍ മനം നൊന്തു കഴിയുന്ന അയല്‍ ജില്ലകളിലെ പ്രിയപ്പെട്ട സഹോദരങ്ങളുടെ കുത്തിയൊലിച്ചു പോയ സ്വപ്‌നങ്ങളിലേയ്‌ക്കും,വിരഹത്തിന്റെ വേദനകളിലേയ്‌ക്കും,പ്രകൃതി ക്ഷോഭത്തില്‍ വെന്തുരുകുന്ന പച്ച മനുഷ്യരിലേയ്‌ക്കും അവരുടെ കലങ്ങി മറിഞ്ഞ കണ്ണുകളിലേയ്‌ക്കും നിസ്സം‌ഗരായി സഹതാപത്തോടെ മാത്രം നോക്കി നില്‍‌ക്കാന്‍ നമുക്ക്‌ കഴിയില്ല.

അല്ലാഹുവിന്റെ കല്‍പനകളെ ശിരസ്സാ വഹിക്കുന്ന ഇബ്രാഹീം നബിയിലും,അനുസരണ ബോധത്തിന്റെ ബലിക്കല്ലില്‍ കഴുത്ത്‌ നീട്ടി വെച്ച്‌ കൊടുക്കുന്ന ക്ഷമാ ശീലനായ ഇസ്‌മാ‌ഈല്‍ നബിയിലും,ജനവാസമില്ലാത്ത മണല്‍ കാട്ടിലാണെങ്കിലും സര്‍‌വ്വ ശക്തനില്‍ ഭരമേല്‍‌പ്പിച്ച്‌ സം‌തൃപ്‌തയായ മഹതി ഹാജറ ഉമ്മയിലും മാനവരാശിക്ക്‌ വിശിഷ്യാ വിശ്വാസികള്‍‌ക്ക്‌ പാഠങ്ങളുണ്ട്‌.പ്രസ്‌തുത പാഠങ്ങളുടെ വെളിച്ചത്തിലും തെളിച്ചത്തിലും ദൃശ്യമാകുന്ന ത്യാഗവും സഹനവും സ്‌നേഹവും സന്നദ്ധതയും സമര്‍‌പ്പണവും ക്രിയാത്മകമായും സര്‍‌ഗാത്മകമായും അനുഭവിപ്പിക്കാനുള്ള അവസരത്തെ സാര്‍‌ഥകമാക്കാം.

നമ്മുടെ സഹോദരങ്ങളുടെ ദുരിത പര്‍‌വ്വത്തിന്‌ സാന്ത്വനമേകാന്‍ നമുക്കൊരു തീര്‍‌ഥയാത്രെ നടത്താം.നഷ്‌ട സങ്കല്‍‌പങ്ങളുടെ പ്രളയ ഭൂമികയില്‍ ഒരു കടലാസ്‌ തോണി പോലെ,മുങ്ങിത്താഴുന്ന ഹതഭാഗ്യര്‍‌ക്ക്‌ ഒരു കച്ചിത്തുറുമ്പു പോലെ,ചാലിട്ടൊഴുകുന്ന കണ്ണിണകളില്‍ ഒരു തൂവാലപോലെ,വരണ്ടുണങ്ങിയ തൊണ്ടയില്‍ ഒരു മധു കണം പോലെ.വേദനിക്കുന്ന മുറിവുകളില്‍ ഒരു തൂവല്‍ സ്‌പര്‍‌ശം പോലെ...

നന്മ തിരുനെല്ലൂരിന്റെ നേതൃത്വത്തില്‍ ഭക്ഷണ വിഭവങ്ങൾ അടങ്ങുന്ന കിറ്റുകള്‍ പ്രളയ ബാധിത മേഖലകളില്‍ വിതരണം ചെയ്യാനുള്ള തയ്യാറെടുപ്പുകള്‍ പുരോഗമിക്കുകയാണ്‌.

കഴിയാവുന്ന വിധത്തിൽ എല്ലാവരും സഹകരിക്കണമെന്ന് അഭ്യർത്ഥിക്കുന്നു.കൂടുതല്‍ പഴക്കമല്ലാത്ത നല്ല വസ്ത്രങ്ങളും ശേഖരിക്കുന്നുണ്ട്‌.എല്ലാവരും ആത്മാര്‍‌ഥമായി സഹായിക്കണം സഹകരിക്കണം.വീട്ടു മുറ്റത്ത്‌ പ്രളയമെത്തുവോളം വെപ്രാളപ്പെടേണ്ടതില്ലെന്ന മൗഢ്യ വിചാരങ്ങള്‍ മറന്നേക്കുക.ഈ തീര്‍‌ഥയാത്രയെ അനുഗമിക്കുക.അനുഗ്രഹിക്കുക.വിജയിപ്പിക്കുക.
ആത്മാര്‍‌പ്പണത്തിന്റെ ബലിപെരുന്നാള്‍ ആശം‌സകളോടെ
നന്മ തിരുനെല്ലൂർ..
 
ഇസ്മയിൽ ബാവ 9656323798
ഷംസുദ്ധീൻ. പി.എം 9846139752
റഹ്മാൻ തിരുനെല്ലൂർ 9847703080
ജലീൽ. വി.എസ്. 9961075839
റഷീദ് മതിലകത്ത് 9544612626