ഹനാൻ ഇർഷാദിന്റെ പുസ്‌തകം പ്രകാശനം ചെയ്‌തു

പാടൂർ:ഹനാൻ ഇർഷാദിന്റെ പുസ്‌തകം പ്രകാശനം ചെയ്‌തു.അലീമുൽ ഇസ്‌ലാം ഹയർ സെക്കൻഡറി സ്കൂൾ മെറിറ്റ് ഡെ യിൽ വെച്ച് മുല്ലശ്ശേരി ബ്ലോക്ക് പഞ്ചായത്ത് പ്രസിഡണ്ട് ക്ലമൻ്റ് ഫ്രാൻസിസ്,  വെങ്കിടങ്ങ്  ഗ്രാമ പഞ്ചായത്ത് പ്രസിഡണ്ട് ഗ്രേസി ജേക്കബ്, വാടാനപ്പള്ളി പോലീസ് സബ് ഇന്‍‌സ്‌പെ‌ക്‌ടര്‍ എംകെ അസീസ് തുടങ്ങിയവർ പുസ്തകം ഏറ്റുവാങ്ങി പ്രകാശനം നിർവഹിച്ചു.

ഹനാൻ ഇർഷാദ് ഇംഗ്ലീഷിൽ രചിച്ച ആദ്യ പുസ്തകം"സെറിനിറ്റി ബെനീത്ത് ദി സർജ്" (തിരമാലകൾക്കടിയിലെ ശാന്തത)ഇതിനു മുമ്പ് പ്രകാശനം ചെയ്യപ്പെട്ടിരുന്നു.

രണ്ടാമത്തെ പുസ്തകമായ "ഓവർ ദി ഹൺഡ്രഡ് മൻത്‌സ്" (100 മാസങ്ങൾക്കുമപ്പുറം) എന്ന ഇംഗ്ലീഷ് നോവലാണ് ഇപ്പോൾ പ്രകാശിതമായത്.

ആത്മകഥാപരമായ ഫിക്ഷനിലൂടെയാണ് ഗ്രന്ഥകർത്താവ് ഈ നോവലിനെ കൊണ്ടുപോകുന്നത്. 

പാടൂർ നാലകത്ത്  ഇർഷാദിന്റെയും  ഹസീനാബിയുടെയും  മകളാണ്  ഹനാൻ ഇർഷാദ്.ബി എസ് സി ഡിഗ്രിക്ക് ശേഷം പോസ്റ്റ് ഗ്രാജ്യുവേഷൻ പൂർത്തിയാക്കിയ ഈ പ്രതിഭയുടെ അടുത്ത ദൗത്യം ഒരു മലയാളം നോവലാണ്. ഗ്രന്ഥകർത്താവ് അതിൻ്റെ പണിപ്പുരയിലാണ്.

പുസ്തക പ്രകാശന ചടങ്ങിൽ വെങ്കിടങ്ങ് ഗ്രാമ പഞ്ചായത്ത് വൈസ് പ്രസിഡണ്ട് എംകെ ഹബീബ്, മുല്ലശ്ശേരി ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ റസിയ ഇബ്രാഹിം, വെങ്കിടങ്ങ് ഗ്രാമ പഞ്ചായത്ത്  ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയര്‍‌പേഴ്‌സണ്‍ റിനിത കബീർ,  അലീമുൽ ഇസ്ലാം  ഹയർ സെക്കൻഡറി സ്കൂൾ പ്രിൻസിപ്പാൾ ഇൻ ചാർജ് സജന ഹുസൈൻ, ഹെഡ്‌മിസ്‌‌ട്രസ് വിസി ബോസ്, പി.ടി.എ പ്രസിഡണ്ട് ആർ എച്ച് ഹാരിസ്, വൈസ് പ്രസിഡണ്ട് എ പി മുജീബ്, മദർ പി ടി എ പ്രസിഡണ്ട് അസ്‌മ ഷക്കീർ, സാമൂഹ്യ പ്രവർത്തകൻ മുഹ്സിൻ പാടൂർ തുടങ്ങിയവർ പങ്കെടുത്തു.

Read More

ആയിഷ അഫിദക്ക് ആശം‌സകള്‍

ആയിഷ അഫിദ റഷീദ് മെഡിക്കല്‍ ബിരുദം നേടിയ വിവരം സന്തോഷത്തോടെ പങ്കു വെക്കുന്നു.പ്രൈമറി വിദ്യാഭ്യാസ കാലം മുതല്‍ പാഠ്യപാഠേതര വിഷയങ്ങളില്‍ മുന്നില്‍ നില്‍‌ക്കുന്ന പ്രകൃതമായിരുന്നു അഫിദയുടേത്.

ഖത്തര്‍ മഹല്ല് അസോസിയേഷന്‍ തിരുനെല്ലൂര്‍ ജനറല്‍ സെക്രട്ടറി കെ.ജി റഷീദിന്റെ മകളാണ്‌ എം.ബി.ബി.എസ്സ് ബിരുദം കരസ്ഥമാക്കിയ  ഈ പ്രതിഭ.

തിരുനെല്ലൂരിന്‌ മധുരമുള്ള വാര്‍‌ത്തയാണ്‌  വിശിഷ്യാ ഖത്തര്‍ മഹല്ല് അസോസിയേഷന്‍ തിരുനെല്ലൂരിന്‌ ഇരട്ടിമധുരമുള്ളതും.

അത്യദ്ധ്വാനവും അതിലുപരി സമർപ്പണവും ഇഛാശക്തിയും വർഷങ്ങൾ നീണ്ട പ്രാർത്ഥനാ പൂർവ്വമായ പരിശ്രമങ്ങളും രക്ഷിതാക്കളുടെയും കുടും‌ബാം‌ഗങ്ങളുടെയും നിസ്സീമമായ പ്രോത്സാഹനവും പരിഗണനയും ആയിരിക്കണം കരുണാവാരിധിയായ നാഥന്റെ അനുഗ്രഹത്താല്‍ ഈ ലക്ഷ്യം കൈവരിക്കാന്‍ തുണച്ചത്.

ഉദയം പഠനവേദി,നന്മ തിരുനെല്ലൂർ സാംസ്‌കാരിക സമിതി, ഖത്തര്‍ മഹല്ല്‌ അസോസിയേഷന്‍ തിരുനെല്ലൂര്‍  പ്രദേശത്തെ പ്രവാസത്തിലും അല്ലാതെയുമുള്ള കൂട്ടായ്‌മകളും പ്രാദേശിക സം‌വിധാനങ്ങളും ആയിഷ അഫിദയ്‌ക്ക് ആശം‌സകള്‍ അറിയിച്ചു. 

=============

Read More

പാത്തുണ്ണിത്ത യാത്രയായി

കുഞ്ഞി പാഞ്ഞുണ്ണിത്ത (കണ്ടംപറമ്പിൽ) യാത്രയായിരിക്കുന്നു.എല്ലാം ഉപേക്ഷിച്ച്‌ ഒരു  യാത്ര സുനിശ്ചിതമാണ്‌. ഇതു പോലൊരു യാത്രക്കുള്ള ഊഴവും കാത്തിരിക്കുന്ന യാത്രക്കാരാണ്‌ നാമോരുത്തരും.മരണം എല്ലാ ആത്മാവും രുചിക്കും എന്നാണല്ലോ പാഠം.

കഴിഞ്ഞ ഡിസംബർ രണ്ടാം വാരത്തിലാണ് സ്‌നേഹനിധിയായ കുഞ്ഞി പാത്തുണ്ണിത്തയെ അവസാനമായി കണ്ടത്.ഞാനും മൂത്ത മകൻ അൻസ്വാറും കൂടെയാണ് പോയത്.കുറഞ്ഞ ദിവസത്തെ അവധിക്കെത്തിയ കമാൽ അഹമ്മദ് നാട്ടിലുണ്ടായിരുന്നു.ഉമ്മയുടെ പരിചരണാർഥം മക്കൾ മാറി മാറി വീട്ടിലുണ്ടാകും എന്ന് ജമീലത്ത പറഞ്ഞു.ഞങ്ങൾ പഴയ അയൽവാസികളായിരുന്നു. സ്‌നേഹ സൗഹൃദത്തിൻ്റെ പൊന്നിഴയിൽ കോർത്ത സുദൃഢമായ ബന്ധം കാത്തു സൂക്ഷിച്ചു പോരുന്നവര്‍.

എന്തു കൊണ്ടാണെന്നറിയില്ല,കഴിഞ്ഞ ദിവസം കുടും‌ബിനിയോട് കണ്ടം പറമ്പും ബാല്യകാലാനുഭവങ്ങളിലെ നുറുങുകളും ഓരോന്നായി ഓര്‍ത്തെടുത്ത് പങ്കുവെച്ചിരുന്നു.അതു കൊണ്ട് തന്നെ,കുഞ്ഞി പാത്തുണ്ണിത്തയുടെ വിയോഗ വാർത്തയറിഞ്ഞപ്പോൾ ഒരു കാലഘട്ടം ഒന്നൊന്നായി മനസ്സിൽ ക്ഷണ നേരം കൊണ്ട് തന്നെ തിങ്ങി നിറഞ്ഞു.

കിഴക്കേ കരയിലെ മഞ്ഞിയിൽ പള്ളിക്ക് അഭിമുഖം പോലെയുള്ള രണ്ട് വീടുകൾ മഞ്ഞിയിലും കണ്ടം പറമ്പും.മഞ്ഞിയിലെ വടക്കേ അതിരിലെ അമ്പഴ മരത്തോട് ചേർന്നുള്ള പുല്ലു മുളക്കാൻ സമ്മതിക്കാത്ത കണ്ടംപറമ്പിലേക്കുള്ള വഴി ഗൃഹാതുരമായ ഓര്‍‌മകളുടെ രാജപാതയത്രെ..

ബാല്യകാലത്തെ കാറോട്ടം ചെന്നവസാനിക്കുന്നത് കണ്ടം പറമ്പിലെ കടപ്ലാവിൻ്റെ ചോട്ടിലായിരുന്നു.

ഓല വെട്ടു കാലത്ത് ഓലയും തുമ്പോലയും മടലും വേറെ വേറെയായി വെട്ടിയൊതുക്കി കൂട്ടിയിട്ടതിൻ്റെ പരിസരത്ത് ഉണ്ണിപ്പുര നിര്‍‌മാണം നിർബന്ധമായി തീരുമായിരുന്നു.കുളക്കടവിനും ഇരുമ്പാൻ പുളി മരത്തിനും ഇടയിലുള്ള നിശ്ചിത ദൂരം കുട്ടി കുറുമ്പന്മാർക്കും കുറുമ്പത്തികൾക്കും സ്വന്തമായ ഭൂമികയായി തീരും.മഞ്ഞിയിലെ തെക്കെ മുറ്റത്തെ പ്ളാവിൻ്റെ ചോട്ടിലും ഉണ്ണിപ്പുര ഉയരാറുണ്ട്.

ഉണ്ണിപുരക്കുള്ള പരവതാനിയും ഓല വാതിലും കൂടാതെ തെങ്ങോലയില്‍ തീര്‍‌ത്ത  പീപ്പിയും പമ്പരവും,ഓലപ്പന്തും ഒക്കെ ബാല്യകാല ഓര്‍‌മകളിലെ കഥാകഥനങ്ങള്‍‌ക്ക് ചൈതന്യം നല്‍‌കുന്ന പോലെ അനുഭവപ്പെടുന്നു.

മുതിർന്നവരുടെ സഹകരണത്തോടെ ഉണ്ണിപ്പുര ഉയർന്നു കഴിഞ്ഞാൽ പിന്നെ കളിയുടെ ചിട്ടവട്ടങ്ങൾക്ക് പുതിയ ഹാവ ഭാവങ്ങളായിരിയ്ക്കും.എല്ലാറ്റിനും സാക്ഷികളെന്നോണം ഉമ്മമാരും ഇത്തമാരും പ്രായം മറന്ന പോലെ കളിചിരിയില്‍ കൂടെയുണ്ടാകും

നേരാനേരങ്ങളില്‍ അമ്പഴ മരച്ചോട്ടില്‍ നിന്ന് ഉമ്മ വിളിക്കും.അസ്യേ..അസ്യേ.അസി വിളി കേള്‍‌ക്കുകയില്ല.വിളിക്ക് ഉത്തരം നല്‍‌കുന്നത്  സാറത്തയും,കുഞ്ഞി പാത്തുണ്ണിത്തയുമായിരിയ്‌ക്കും.അസി ഇവിടെണ്ട്...ഇപ്പൊ വരും.ഞാന്‍ കൂടെ കേള്‍‌ക്കാനുള്ള മറുപടിയാണെന്നു അറിയാം.എങ്കിലും കളിവിട്ടുള്ള ഒരു കളിയും ഉണ്ടാകാറില്ലെന്നു മാത്രം.പിന്നെ വെല്ലിത്തയൊ ഐസമോള്‍‌ത്തയൊ വന്ന് കൂട്ടി കൊണ്ട് പോകാറാണ്‌ പതിവ്‌.

കളിയരങ്ങിലെ ശാഠ്യങ്ങളില്‍ കുട്ടിത്തം വിടാത്ത മനസ്സുമായി ചേര്‍‌ത്തു നിര്‍‌ത്തിയിരുന്ന നിഷ്‌കളങ്കരായ ഉമ്മമാര്‍ അരങ്ങൊഴിയുമ്പോള്‍ ഇനിയും ആടിത്തീരാന്‍ ബാക്കിയുള്ള വേദിയില്‍ ഒരു കാലഘട്ടത്തിന്റെ ഹരിതാഭമായ ഓര്‍‌മകളുടെ വര്‍‌ണങ്ങള്‍ വിവരണാതീതമാകുന്നു.

പൊയ്‌പോയ കാലത്തിന്റെ ഓര്‍മകളുടെ ഇറയത്ത് പെയ്‌തു തീരാത്തതിന്റെ ബാക്കി പോലെ കണ്ണുനീര്‍ മുത്തുകള്‍ തുള്ളി തുള്ളികളായി ഉടഞ്ഞ് വീഴുന്നുണ്ട്.

ഓര്‍‌മകളുടെ പത്തായപുര സമൃദ്ധമാണ്‌.എങ്കിലും അര്‍‌ധവിരാമം നല്‍‌കുന്നു.ഉള്ളുരുകുന്ന പ്രാര്‍‌ഥനയോടെ കുഞ്ഞി പാത്തുണ്ണിത്താക്ക് വിട...

----------

മഞ്ഞിയില്‍

Read More

ഇരട്ടത്തിളക്കം

പുതിയ വിദ്യാഭ്യാസ അധ്യയന വര്‍‌ഷത്തില്‍ ഉന്നത വിജയം വരിച്ച എല്ലാ വിദ്യാര്‍‌ഥികള്‍‌ക്കും പ്രാദേശിക സാം‌സ്‌ക്കാരിക സമിതികളും പ്രവാസി  കൂട്ടായ്‌മകളും ആശം‌സകള്‍ നേര്‍‌ന്നു. രക്ഷിതാക്കളുടെ കണ്ണും കരളും കുളിര്‍‌ക്കുന്ന വിജയ പരമ്പരകള്‍ സന്തോഷദായകം.

ഷാസ്‌മിന്‍ മുബാറക് - ഷസ്‌നീന്‍ മുബാറക് പ്ലസ്‌ടു (സയന്‍‌സ്) ഫുള്‍ 

എപ്ലസ് കരസ്ഥമാക്കിയ തിരുനെല്ലൂര്‍‌ക്കാരികള്‍ നാടിന്റെ അഭിമാന താരങ്ങളാണ്‌. കിഴക്കയില്‍ മുബാറക്കിന്റെ ഇരട്ടകളാണ്‌  ഈ പ്രതിഭകള്‍.

റന അബ്‌ദുല്‍ റഷീദ് ഖത്തറിലെ എം.ഇ.എസ് സ്‌കൂളിലെ വിഷയാധിഷ്‌ടിത ഉന്നത വിജയം കൈവരിച്ച സമര്‍‌ഥയായ വിദ്യാര്‍‌ഥിനിയാണ്‌. 

ഖത്തര്‍ മഹല്ല് അസോസിയേഷന്‍ തിരുനെല്ലൂരിന്റെ ജനറല്‍ സെക്രട്ടറി കെ.ജി റഷീദിന്റെ മകളാണ്‌ റന.

സി.ബി.എസ്.ഇ ബോര്‍‌ഡ് പരീക്ഷയിലെ വിജയത്തിളക്കമാണ്‌ സാന്‍ ബീബ്.  

ഉന്നത വിജയം കരസ്ഥമാക്കിയവരില്‍ തിരുനെല്ലൂരിന്റെ മുടുക്കികളും മിടുക്കന്മാരും ഉള്‍‌പ്പെടുന്നു എന്നതിലുള്ള സന്തോഷം വിവിധ തലങ്ങളില്‍ പങ്കുവെക്കപ്പെട്ടു.

പാഠ്യ പാഠ്യേതര വിഷയങ്ങളിലെല്ലാം മികച്ച പ്രകടനം കാഴ്‌ചവെച്ച വിദ്യാര്‍‌ഥി വിദ്യാര്‍‌ഥിനികളുടെ ഭാവി ജീവിതത്തിലെ പാഠ പഠന വിജ്ഞാന വീഥികള്‍ പ്രശോഭിക്കട്ടെ എന്ന് ആശംസിക്കുന്നു.

Read More

വിജയത്തിളക്കം

പുതിയ വിദ്യാഭ്യാസ അധ്യയന വര്‍‌ഷത്തില്‍ ഉന്നത വിജയം വരിച്ച എല്ലാ വിദ്യാര്‍‌ഥികള്‍‌ക്കും പ്രാദേശിക സാം‌സ്‌ക്കാരിക സമിതികളും പ്രവാസി  കൂട്ടായ്‌മകളും ആശം‌സകള്‍ നേര്‍‌ന്നു.രക്ഷിതാക്കളുടെ കണ്ണും കരളും കുളിര്‍‌ക്കുന്ന വിജയ പരമ്പരകള്‍ സന്തോഷദായകം.

റന അബ്‌ദുല്‍ റഷീദ് ഖത്തറിലെ എം.ഇ.എസ് സ്‌കൂളിലെ വിഷയാധിഷ്‌ടിത ഉന്നത വിജയം കൈവരിച്ച സമര്‍‌ഥയായ വിദ്യാര്‍‌ഥിനിയാണ്‌. 

ഖത്തര്‍ മഹല്ല് അസോസിയേഷന്‍ തിരുനെല്ലൂരിന്റെ ജനറല്‍ സെക്രട്ടറി കെ.ജി റഷീദിന്റെ മകളാണ്‌ റന.

സി.ബി.എസ്.ഇ ബോര്‍‌ഡ് പരീക്ഷയിലെ വിജയത്തിളക്കമാണ്‌ സാന്‍ ബീബ്.  

ഉന്നത വിജയം കരസ്ഥമാക്കിയവരില്‍ തിരുനെല്ലൂരിന്റെ മുടുക്കികളും മിടുക്കന്മാരും ഉള്‍‌പ്പെടുന്നു എന്നതിലുള്ള സന്തോഷം വിവിധ തലങ്ങളില്‍ പങ്കുവെക്കപ്പെട്ടു.

ഷാസ്‌മിന്‍ മുബാറക് - ഷസ്‌നീന്‍ മുബാറക് പ്ലസ്‌ടു (സയന്‍‌സ്) ഫുള്‍ എപ്ലസ് കരസ്ഥമാക്കിയ തിരുനെല്ലൂര്‍‌ക്കാരികള്‍ നാടിന്റെ അഭിമാന താരങ്ങളാണ്‌. കിഴക്കയില്‍ മുബാറക്കിന്റെ ഇരട്ടകളാണ്‌  ഈ പ്രതിഭകള്‍.

പാഠ്യ പാഠ്യേതര വിഷയങ്ങളിലെല്ലാം മികച്ച പ്രകടനം കാഴ്‌ചവെച്ച വിദ്യാര്‍‌ഥി വിദ്യാര്‍‌ഥിനികളുടെ ഭാവി ജീവിതത്തിലെ പാഠ പഠന വിജ്ഞാന വീഥികള്‍ പ്രശോഭിക്കട്ടെ എന്ന് ആശംസിക്കുന്നു.

Read More

പ്രാര്‍‌ഥനാ സം‌ഗമം ധന്യം

തിരുനെല്ലൂര്‍: ദൗര്‍‌ഭാഗ്യകരമായ വര്‍‌ത്തമാനകാല പ്രതിസന്ധികളിലൂടെ കടന്നു പോകുമ്പോള്‍ വിശ്വാസികളുടെ ശക്തമായ വജ്രായുധം പ്രാര്‍‌ഥനയാണ്‌. ഖത്തര്‍ മഹല്ല് അസോസിയേഷന്റെ പ്രാര്‍‌ഥനാ സം‌ഗമത്തിലേക്ക് അയച്ച സന്ദേശത്തില്‍  ഖ്യുമാറ്റ് പ്രസിഡണ്ട് ഷറഫ് പി ഹമീദ് പങ്കുവെച്ചു.

ഖത്തര്‍ മഹല്ല് അസോസിയേഷന്‍ തിരുനെല്ലൂര്‍, തിരുനെല്ലൂര്‍ മദ്രസ്സാ അങ്കണത്തില്‍ സം‌ഘടിപ്പിച്ച ദുആ മജ്‌ലിസും സൗഹൃദ ഇഫ്‌ത്വാര്‍ സം‌ഗമവും ജനപങ്കാളിത്തം കൊണ്ടും സം‌ഘാടന മികവ് കൊണ്ടും ശ്രദ്ദേയമായി.

മഹല്ല് ഖത്വീബ് അബ്‌ദുല്ല അഷ്‌റഫിയുടെ നേതൃത്വത്തില്‍ വൈകീട്ട് നടന്ന പ്രാര്‍‌ഥനാ നിര്‍‌ഭരമായ മജ്‌ലിസില്‍ മഹല്ല് പ്രസിഡണ്ട് ഉമര്‍ കാട്ടിലും ഖ്യുമാറ്റ് സീനിയര്‍ പ്രതിനിധി ഹാജി ഹുസൈന്‍ കെവിയും മഹല്ല് നേതൃ നിരയിലുള്ളവരും തിരുനെല്ലൂര്‍ വിശാല മഹല്ല് പരിധിയിലെ ഉസ്‌താദ്‌മാരുടെയും സാന്നിധ്യം കൊണ്ട് ധന്യമായി. മഹല്ല് കമ്മിറ്റി ട്രഷറർ സൈനുദ്ദീന്‍ ഖുറൈഷിയുടെ ആമുഖത്തോടെയായിരുന്നു സം‌ഗമത്തിലെ പ്രാര്‍‌ഥനാ നിര്‍‌ഭരമായ ആദ്യ സെഷന്‍ ആരം‌ഭിച്ചത്.

തുടര്‍‌ന്ന് നടന്ന സൗഹൃദസദസ്സില്‍ സാമൂഹ്യ സാം‌സ്‌ക്കാരിക രാഷ്‌ട്രീയ രം‌ഗത്തെ പ്രമുഖരുടെ പങ്കാളിത്തം ഹൃദ്യമായി.മുന്‍ വിദ്യാഭ്യാസ മന്ത്രി പ്രൊഫസര്‍ രവീന്ദ്രനാഥ്, തൃശൂര്‍ ജില്ലയുടെ ജനകീയനായ മുന്‍ പാര്‍ലിമന്റ് അം‌ഗം ശ്രീ ടി.എന്‍ പ്രതാപന്‍, മുഹമ്മദലി തച്ചമ്പാറ തുടങ്ങിയവര്‍ ആശം‌സകള്‍ നേര്‍‌ന്നു.

മഹല്ലിലെ തിരഞ്ഞെടുക്കപ്പെട്ട ഗുണഭോക്താക്കള്‍‌ക്കായി റമദാനില്‍ നടത്തി വരുന്ന സാന്ത്വന സഹായം യഥാവിധി വിതരണം ചെയ്‌തതായി ഷെഹീർ അഹമ്മദ്, അനസ് ഉമ്മർ, അനീസ് അബ്ബാസ് എന്നിവർ അറിയിച്ചു.

ഖത്തര്‍ മഹല്ല് അസോസിയേഷന്‍ തിരുനെല്ലൂര്‍ ജനറല്‍ സെക്രട്ടറി കെ.ജി റെഷീദിന്റെയും ഖ്യുമാറ്റ് നേതൃനിരയിലുള്ളവരുടെയും നേതൃത്വത്തില്‍ നിയോഗിക്കപ്പെട്ട പ്രവര്‍‌ത്തക സമിതി അം‌ഗങ്ങളായ സലീം നാലകത്ത്, ഷൈതാജ് മൂക്കലെ കൂടാതെ ഷിഫാസും  പ്രതിജ്ഞാബദ്ധരായ യുവനിരയും അണിയറ പ്രവര്‍‌ത്തനങ്ങള്‍‌ക്ക് നേതൃത്വം നല്‍‌കി.  

==========

Read More

വിജയഭേരി

തിരുനെല്ലൂര്‍ ഗ്രാമത്തില്‍ നിന്നും രണ്ട് പ്രതിനിധികള്‍ ത്രിതല പഞ്ചായത്ത് തദ്ദേശ സ്വയം ഭരണ സം‌വിധാനങ്ങളുടെ പ്രാദേശിക സഭകളിലേക്ക്‌ തെരഞ്ഞെടുക്കപ്പെട്ടിരിക്കുന്നു.

മുല്ലശ്ശേരി ബ്ലോക് പഞ്ചായത്ത് തിരുനെല്ലൂര്‍ ഡിവിഷന്‍ പ്രതിനിധിയായി ഫിജീന എ.എയും മുല്ലശ്ശേരി ഗ്രാമപഞ്ചായത്ത് ഒന്നാം വാര്‍‌ഡിനെ പ്രതിനിധീകരിച്ച് എം.ബി സെ‌തു മുഹമ്മദും തിളക്കമാര്‍‌ന്ന വിജയം കാഴ്‌ചവെച്ച് നാടിന്റെ അഭിമാനമായി മാറിയിരിക്കുന്നു.

കക്ഷിരാഷ്‌ട്രീയ ഭേദമെന്യേ വിജയികള്‍‌ക്ക് അഭിനന്ദന പ്രവാഹം.രാഷ്‌ട്രീയത്തില്‍ പുതിയ സേവന പാതകള്‍ വെട്ടിത്തെളിയിച്ച് മാതൃകാ ജനസേവകരായി മുന്നേറാനാകട്ടെ എന്ന് ദിതിരുനെല്ലൂര്‍ ആശം‌സാ സന്ദേശത്തില്‍ അറിയിച്ചു..

Read More

പറമ്പന്‍തളി ഷഷ്‌ഠി മഹോത്സവം

മുല്ലശ്ശേരി: പറമ്പന്‍തളി ശ്രീ സുബ്രഹ്മണ്യ ക്ഷേത്രത്തിലെ ഷഷ്‌ഠി മഹോത്സവം 2025 ഒക്‌ടോബര്‍ 26.27 ഞായര്‍, തിങ്കള്‍ ദിവസങ്ങളില്‍ പൂര്‍‌വാധികം ആഘോഷത്തോടെ നടക്കും. വെങ്കിടങ്ങ്, എളവള്ളി, മുല്ലശ്ശേരി, പാവറട്ടി പഞ്ചായത്തുകളിലെ വിവിധ ദേശങ്ങളില്‍ നിന്നുള്ള ഭക്തജനങ്ങളുടെ നേതൃത്വത്തില്‍ വരുന്ന കാവടി സംഘങ്ങള്‍ മുല്ലശ്ശേരിയെ വര്‍ണാഭമാക്കും.രാവിലെ മുതല്‍ ശൂലങ്ങള്‍ കാവടി പന്തലിലൂടെ ക്ഷേത്രാങ്കണത്തില്‍ എത്തിത്തുടങ്ങും.

അമ്പലനടയില്‍ വര്‍ണ്ണ മനോഹരമായ കാവടി പന്തല്‍ ഒരുങ്ങി. പീലിക്കാവടികളാണ് ഇവിടത്തെ ഏറ്റവും ആകര്‍ഷണീയത. കരുവന്തല മാമ്പ്ര തൊട്ടിപ്പറമ്പില്‍ ശ്രീഭദ്രാ ഭഗവതി, കണ്ണോത്ത്, ഇടിയഞ്ചിറ, പാവറട്ടി, വിളക്കാട്ടുപാടം, ശക്തിവേല്‍, വെന്മേനാട്,ആഞ്ജനേയപുരം, കോര്‍ളി, അമ്പലനട, അയ്യപ്പന്‍കുടം, മുല്ലശ്ശേരി ബ്ലോക്ക്, തോരണം കുത്തി ആല്‍, കണ്ണേങ്ങാത്ത്, ഇരിമ്പ്ര നെല്ലൂര്‍, ഷാവോലിന്‍ ഗ്രാമം, അച്ഛന്റെ അമ്പലം, ഇലഞ്ഞിക്കാവ്, മുല്ലശ്ശേരി സെന്റര്‍, കണ്ണന്‍കാട്, കണ്ണംകുളങ്ങര, കുണ്ടഴിയൂര്‍, പൂഞ്ചിറ, താണവീഥി സെന്റര്‍, താണവീഥി അയ്യപ്പ സ്വാമി ക്ഷേത്രം, ഗുരുജി നഗര്‍, കിഴക്കു മുറി എന്നീ കാവടി കൂട്ടങ്ങളുടെ വര്‍ണ്ണമനോഹരമായ പീലിക്കാവടികളും, പൂക്കാവടികളും ശൂലങ്ങളും ഷഷ്‌ഠി ആഘോഷത്തില്‍ പങ്കെടുക്കും.

ആഘോഷത്തിന്റെ സുഖമമായ അരങ്ങേറ്റത്തിന്‌ പ്രദേശത്ത് അനിവാര്യമായ ഒരുക്കങ്ങളും,മുന്‍‌കരുതലുകളും എടുത്തതായി പ്രാദേശിക ജില്ലാ നിയമപാലക വൃത്തങ്ങള്‍ അറിയിച്ചു.

============

കേരളത്തില്‍ ശ്രീ പരശുരമാനാല്‍ പ്രതിഷ്‌ഠിക്കപ്പെട്ട 108 തളി ക്ഷേത്രങ്ങളില്‍ പ്രമുഖ സ്ഥാനത്തുള്ള ക്ഷേത്രമാണ് മുല്ലശ്ശേരിയിലെ പറമ്പന്‍ തളി മഹാദേവ ക്ഷേത്രം.വിശാലമായ ഒരു കുന്നിന്‍ മുകളില്‍ നിര്‍മ്മിച്ചിട്ടുള്ള ഈ ക്ഷേത്രം വലുപ്പത്തിലും രൂപത്തിലും അസാധാരണത്വമുള്ളതാണ്. ദക്ഷിണ കൈലസമായ ശ്രീ വടക്കുന്നാഥന് ഏകദേശം 22 കി .മി വടക്കുപടിഞ്ഞാറായും ഭൂലോക വൈകുണഠമായ ശ്രീ ഗുരുവായൂരിന്നു 9 കി മി തെക്കുഭാഗത്തായും സ്ഥിതിചെയ്യുന്ന മുല്ലശ്ശേരി ഗ്രാമത്തിലാണ് 108 തളി ക്ഷേത്രങ്ങളില്‍ പ്രമുഖ സ്ഥാനം അലങ്കരിക്കുന്ന പറമ്പന്‍തളി ശ്രീ മഹാദേവക്ഷേത്രം സ്ഥിതിചെയ്യുന്നത്.

ക്ഷേത്ര ചരിത്രത്തിലേക്ക് വിരല്‍ ചൂണ്ടുന്നതെന്ന് വിശ്വസിക്കുന്ന തറയില്‍ കാണുന്ന വട്ടെഴുത്ത് പുരാവസ്തു ഗവേഷകര്‍ക്ക്‌ പോലും വായിച്ചു മനസിലാക്കാന്‍ സാധിച്ചിട്ടില്ല . അതുകൊണ്ടുതന്നെ ഈ ക്ഷേത്രസമുച്ചയം മനുഷ്യ നിര്‍മ്മിതമല്ല മറിച്ച് ശിവഭൂതഗണങ്ങളാല്‍ ഒറ്റ രാത്രി കൊണ്ട് നിര്‍മ്മിച്ചതാണെന്ന് വിശ്വസിക്കപെടുന്നു.

ചരിത്രം:-ക്ഷേത്രത്തിന്‍റെ വടക്ക് കിഴക്ക് ഭാഗത്ത് വളരെ താഴെയായി കാണുന്ന തീര്‍ഥ കിണറിനും പ്രത്യേകതകള്‍ ഏറെയുണ്ട്.മൂന്നു തട്ടുകളിലായി കാണുന്ന ഏകദേശം ഒരു ഏക്കര്‍ വിസ്ത്രിതിയിലുള്ള ഈ ചിറയില്‍ മുകളിലെ തട്ടിലെ കിണറിലെ വെള്ളം ക്ഷേത്രാവശ്യങ്ങള്‍ക്കും മറ്റുള്ളവ ഭക്ത ജനങ്ങളുടെയും പൂജാരിമാരുടെയും ആവശ്യങ്ങള്‍ക്കായും ഉപയോഗിക്കുന്നു.കര്‍ക്കിടകം , തുലാം മാസങ്ങളിലെ വാവുബലി തര്‍പ്പണത്തിനായി ക്ഷേത്ര പരിസരത്ത് വേറെയും കുളമുണ്ട്.ക്ഷേത്ര ചൈതന്യ വുമായി ബന്ധമുള്ളതാണ് ഈ ചിറയും കുളവുമെന്നു ഭക്തജനങ്ങള്‍ വിശ്വസിക്കുന്നു.

ഭക്തിയുടെയും ഉത്സവാഘോഷങ്ങളുടെയും നിറവില്‍ മുല്ലശ്ശേരി പറമ്പന്തള്ളി മഹാദേവ ക്ഷേത്രത്തിലെ ഷഷ്‌ഠി മഹോത്സവം പ്രസിദ്ധമാണ്‌.ഉത്സവ ദിവസം രാവിലെ ക്ഷേത്ര നട തുറക്കുന്നതോടെ പൂജകള്‍ക്കും വിവിധ അഭിഷേകങ്ങള്‍ക്കുമായി ഭക്തജനങ്ങള്‍ ക്ഷേത്രത്തിലേക്ക് ഒഴുകിയെത്തും. വൃതാനുഷ്ഠാനങ്ങളോടെ ശൂലധാരികളായ നൂറുകണക്കിന് മുരുക ഭക്തര്‍ ഉടുക്കുപാട്ടിന്റെ ഈണത്തിനൊപ്പം ഹരിഹര സ്തുതികളുമായി ഉച്ചയോടെ ബഹുനില പീലിക്കാവടികളും മുരുക സന്നിധിയില്‍ നിറഞ്ഞാടും. നിശ്ചല ദൃശ്യങ്ങളും വാദ്യമേളങ്ങളും ഉത്സവാഘോഷങ്ങള്‍ക്ക് മാറ്റുകൂട്ടും. വെങ്കിടങ്ങ്, മുല്ലശ്ശേരി , പാവറട്ടി, എളവള്ളി പഞ്ചായത്തുകളില്‍ നിന്നായി ഒട്ടേറെ പ്രാദേശിക ഉത്സവ കമ്മിറ്റികള്‍ ഷഷ്‌ഠി ആഘോഷത്തില്‍ പങ്കു ചേരാറുണ്ട്‌.

Read More

പ്രവര്‍‌ത്തന നൈരന്തര്യം

ഖത്തര്‍ മഹല്ല് അസോസിയേഷന്‍ തിരുനെല്ലൂര്‍ പ്രവര്‍‌ത്തക സമിതി കഴിഞ്ഞ ദിവസം വൈകീട്ട്  പ്രസിഡണ്ട് ഷറഫു ഹമീദിന്റെ അധ്യക്ഷതയില്‍ സിറ്റി എക്സ്ചേഞ്ചിൽ വെച്ച് ചേർന്നു.നിശ്ചിത അജണ്ടകള്‍ ഓരോന്നായി ചര്‍‌ച്ചക്ക് വിധേയമാക്കി.

പ്രതീക്ഷയുടെ തീരങ്ങളിലേക്ക് എന്ന കാമ്പയിനിന്റെ ഭാഗമായി തിരുനെല്ലൂർ മദ്രസ്സ അങ്കണത്തിൽ സംഘടിപ്പിച്ച കുടുംബ സദസ്സിന്റെ വിശദമായ അവലോകനവും, അടുത്ത ഘട്ടത്തിന്റെ രീതിയെ കുറിച്ചുള്ള ചർച്ചയുമായിരുന്നു ആദ്യം നടന്നത്. 

വളരെ പ്രതികൂലമായ കാലാവസ്ഥയില്‍ പോലും നല്ല ജനപങ്കാളിത്തം പ്രത്യേകിച്ച് സ്ത്രീകൾ കുടുംബ സദസ്സിൽ എത്തിയത് നമ്മുടെ കൂട്ടായ പരിശ്രമങ്ങളുടെ വിജയം തന്നെയാണെന്ന് അധ്യക്ഷന്‍ വിലയിരുത്തി.

പ്രസ്‌തുത പരിപാടിയുടെ വിജയത്തിന് വേണ്ടി അഹോരാത്രം പ്രവർത്തിച്ച ജനറല്‍ സെക്രട്ടറി കെ ജി റെഷീദ്, സെക്രട്ടറി ശാഹുൽ ഹുസൈൻ, ഫൈനന്‍‌സ് സെക്രട്ടറി ഷെഹീർ അഹമ്മദ്, സലിം നാലകത്ത് എന്നിവരുടെ സേവനങ്ങള്‍ പ്രശംസിക്കപ്പെട്ടു. അവധിയിലുണ്ടായിരുന്ന പ്രവര്‍‌ത്തകരുടെ സജീവമായ സാന്നിധ്യവും സഹകരണവും സം‌തൃ‌പ്‌തിദായകമാണെന്ന് അധ്യക്ഷന്‍ പറഞ്ഞു. അതോടൊപ്പം സേവന നിരതരായവര്‍‌ക്ക് വേണ്ടി പ്രത്യേകം പ്രാര്‍‌ഥന നിര്‍‌വഹിക്കുകയും ചെയ്‌തു.

അടുത്ത ഘട്ടം മഹല്ലിലെ വീടുകള്‍ കേന്ദ്രീകരിച്ച് സ്‌കോഡുകളായിരിയ്‌ക്കും അഭികാമ്യമെന്ന് അഭിപ്രായപ്പെട്ടു. അനുയോജ്യമായ സമയത്ത് അവസരോചിതം കാര്യങ്ങള്‍ ക്രമീകരിക്കാമെന്നും സദസ്സ് അഭിപ്രായപ്പെട്ടു. 

നോർക്ക പ്രവാസി ഐഡിയും, പ്രവാസി  സുരക്ഷാ പദ്ധതിയിലും ഇനിയും അംഗമാവാത്ത  താത്പര്യമുള്ള QMAT അംഗങ്ങൾക്ക് വേണ്ട സഹായം നൽകാൻ സാജിദ് യൂസുഫിന്റെ നേത്രത്വത്തിൽ 4 അംഗ സമിതിയെ തിരഞ്ഞെടുത്തു. 

നാടിന്റെയും മഹല്ലുകാരുടെയും കാര്യത്തിൽ ഇടപെടുന്നതോടൊപ്പം അസോസിയേഷന്‍ അംഗങ്ങൾക്കായുള്ള സമ്പാദ്യപദ്ധതിയെ കുറിച്ച് പഠിക്കാനും അത് ഭാവിയിൽ നടപ്പിൽ വരുത്താനും തീരുമാനിച്ചു. 

അതിനെ കുറിച്ച് കൂടുതൽ പഠിക്കാൻ സാന്ത്വനം കമ്മിറ്റിയെ ചുമത്തപ്പെടുത്തി.

ഈ ഡിസംബറിൽ ഖ്യുമാറ്റ് അംഗങ്ങൾക്കായുള്ള  സൗഹൃദയാത്ര സംഘടിപ്പിക്കാനുള്ളതായിരുന്നു യോഗത്തിലെ മറ്റൊരു സുപ്രധാന തീരുമാനം. സൗഹൃദയാത്രയുടെ കോർഡിനേഷന് വേണ്ടി തൗഫീഖ്, ഹംദാൻ, ഷൈദാജ്, റെഷാദ്, സാജിദ് എന്നിവരുൾപ്പെട്ട  അഞ്ചംഗ കമ്മിറ്റിയെ തിരഞ്ഞെടുത്തു.വിശദാം‌ശങ്ങള്‍ പിന്നീട് അറിയിക്കാനും ധാരണയായി. 

വൈസ് പ്രസിഡന്റുമാരായ അസീസ് മഞ്ഞിയിൽ, ആരിഫ് ഖാസിം, സെക്രട്ടറി അനീസ് അബ്ബാസ്, സാന്ത്വനം കൺവീനർ ഷമീർ കുഞ്ഞുമോൻ, അബ്ദുൽ ഖാദർ പുതിയ വീട്ടിൽ, ഷൈദാജ് മൂക്കലെ, ഹാരിസ് അബ്ബാസ്, ഹംദാൻ ഹംസ, തൗഫീഖ് താജുദ്ധീൻ, അബൂബക്കർ സിദ്ദീക്ക്, ജാസിം ഹനീഫ, ജാഫർ ഉമ്മർ എന്നിവർ ചർച്ചയിൽ പങ്കെടുത്ത് സംസാരിച്ചു.

ജനറൽ സെക്രട്ടറി കെ.ജി. റെഷീദിന്റെ സ്വാഗത ഭാഷണത്തോടെ ആരം‌ഭിച്ച യോഗം 2 മണിക്കൂറോളം നീണ്ടു നിന്നു. പ്രാർഥനയോടെ അധ്യക്ഷൻ ഉപസംഹരിച്ചു.

========

Read More

റിസ്‌വാനക്ക് അം‌ഗീകാരം

ഖത്തറിലെ സാമൂഹ്യ സാം‌സ്‌ക്കാരിക രാഷ്‌ട്രീയ മണ്ഡലത്തില്‍ നിറഞ്ഞു നില്‍‌ക്കുന്ന സം‌സ്‌കൃതിയുടെ വിദ്യാഭ്യാസ രംഗത്ത് മികവ് പുലര്‍‌ത്തിയ വിദ്യാര്‍‌ഥികള്‍‌ക്കുള്ള അഡ്വ.മുസ്‌ഹബ് മെമ്മോറിയല്‍ എഡുക്കേഷന്‍ അവാര്‍‌ഡിന്‌ ഫാത്വിമ റിസ്‌വാന ഷിഹാബ് അര്‍‌ഹയായി.

ഡോ.കെ.ടി ജലീല്‍ എം.എല്‍.എ,ഇന്ത്യന്‍ നയതന്ത്ര കാര്യാലയത്തിലെ സാം‌സ്‌കാരിക വിദ്യാഭ്യാസ വകുപ്പ് ചുമതലയുള്ള ഫസ്‌റ്റ് സെക്രട്ടറി ഹരിഷ് പാണ്ഡെ ഐ.പി.എസ് എന്നിവരില്‍ നിന്നും മകള്‍‌ക്ക് വേണ്ടി പിതാവ് ഷിഹാബ് ഇബ്രാഹീം അവാര്‍‌ഡ് ഏറ്റുവാങ്ങി.

ഖത്തര്‍ മഹല്ല് അസോസിയേഷന്‍ തിരുനെല്ലൂര്‍,നന്മ തിരുനെല്ലൂര്‍ സാം‌സ്‌കാരിക സമിതി,ഉദയം പഠനവേദി തുടങ്ങിയ പ്രാദേശിക കൂട്ടായ്‌മകള്‍ അനുമോദനം അറിയിച്ചു.

Read More

നാടിന്റെ കരുതല്‍

സമൂഹത്തോട് വിശ്വാസി സമൂഹത്തിനുള്ള ഉത്തരവാദിത്തത്തെയും സാമൂഹ്യ പ്രതിബദ്ധതയെയും അടിവരയിട്ട് കൊണ്ട് സാമൂഹ്യ സുരക്ഷക്ക് നാടിന്റെ കരുതല്‍ ക്യാമ്പയിന്‍ വിജ്ഞാന സദസ്സ് ധന്യമായി. 

പ്രാര്‍‌ഥനാ നിര്‍‌ഭരമായ സദസ്സുകളും കേവല ആത്മീയോത്സുകരായ കുറെ വ്യക്തികളും എന്നതിനെക്കാള്‍ നന്മ പ്രസരിപ്പിക്കുന്ന പ്രോത്സാഹിപ്പിക്കുന്ന തിന്മയെ വിലക്കുന്ന നിരുത്സാഹപ്പെടുത്തുന്ന ദൈവദാസന്മാര്‍ എന്ന പ്രവാചക ശിക്ഷണത്തിന്റെ കാതലായ മര്‍‌മവും ധര്‍‌മവും വര്‍‌ത്തമാന കാലത്ത് ഏറെ പ്രസക്തമത്രെ.

വിദ്യാലയങ്ങളും കലാലയങ്ങളും എന്തൊക്കെ വൈജ്ഞാനികമായ വിവരശേഖരത്തിന്‌ ഉതകുന്നതായാല്‍ പോലും കുടും‌ബം തന്നെയാണ്‌ നമ്മുടെ മക്കളുടെ ഉന്നതമായ കലാലയം.നന്മ തിന്മകള്‍ ഇഴപിരിച്ചെടുക്കാന്‍ പോലും കഴിയാത്തത്ര സങ്കീര്‍‌ണ്ണമായ കാലത്ത് കാര്യശേഷിയുള്ളവര്‍ തനിക്ക് ചുറ്റുമുള്ള ജീര്‍‌ണ്ണതകളെ വൈകാരികമായി നേരിടുന്നതിനു പകരം വൈചാരികമായും ബുദ്ധിപരമായും കൈകാര്യം ചെയ്യ്ന്നതില്‍ സൂക്ഷ്‌മത പുലര്‍‌ത്തണം.ഒരാളെ എഴിതി തള്ളാന്‍ എളുപ്പം കഴിയും.ചേര്‍‌ത്തു പിടിക്കാനും നേര്‍‌വഴിയിലെത്തിക്കാനുമാണ്‌ പ്രയാസം.ജാഗ്രതാ വിജ്ഞാന സദസ്സ് ഓര്‍‌മിപ്പിച്ചു.

തുറന്നു പറയാനുള്ള ഇടങ്ങളായി കുടും‌ബങ്ങള്‍ മാറണം.ഉയര്‍‌ന്ന ശബ്‌ദങ്ങളല്ല ശാന്തമായ മനോഭാവമാണ്‌ മക്കളുടെയും വേണ്ടപ്പെട്ടവരുടെയും ഹൃദയങ്ങളില്‍ ശക്തമായ സ്വാധീനം തീര്‍‌ക്കുന്നത്,അധാര്‍‌മികതകളെ പ്രത്യക്ഷത്തില്‍ തന്നെ നുള്ളിയിടാത്ത അവസ്ഥയില്‍ വലിയ വിലകൊടുക്കേണ്ട സ്ഥിതിഗതികള്‍‌ക്ക് കാരണമായേക്കും.സദസ്സില്‍ വിശദീകരിക്കപ്പെട്ടു.

സാമൂഹ്യ സുരക്ഷക്ക് നാടിന്റെ കരുതല്‍ ഖത്തര്‍ മഹല്ല് അസ്സോസിയേഷന്‍ തുടക്കം കുറിച്ച ക്യാമ്പയിനിന്റെ ഭാഗമായി ആഗസ്‌ത് 15 വെള്ളിയാഴ്‌ച വൈകീട്ട് തിരുനെല്ലൂര്‍ മദ്രസ്സാ അങ്കണത്തില്‍ വെച്ച് സം‌ഘടിപ്പിച്ച ജാഗ്രതാ സദസ്സ് മഹല്ല് പ്രസിഡന്റ്‌ ഉമര്‍ കാട്ടില്‍ ഉദ്‌ഘാടനം ചെയ്‌തു.അസ്സോസിയേഷന്‍ പ്രസിഡന്റ്‌ ഷറഫു ഹമീദിന്റെ അധ്യക്ഷതയില്‍ കൂടിയ സം‌ഗമം മഹല്ല് ഖത്വീബ് അബ്‌ദുല്ല അഷ്‌റഫിയുടെ പ്രാര്‍‌ഥനയോടെയും ആമുഖ സന്ദേശത്തോടെയും ആയിരുന്നു പ്രാരം‌ഭം കുറിച്ചത്.

രാത്രി നമസ്‌കാരത്തിനു മുമ്പ് അവസാനിച്ച ഉദ്‌ഘാടന സെഷനില്‍ മഹല്ല്‌ സെക്രട്ടറി സൈനുദ്ദീന്‍ ഖുറൈഷി ആമുഖവും ഖ്യുമാറ്റ് ജനറല്‍ സെക്രട്ടറി കെ.ജി റഷീദ് സ്വാഗത ഭാഷണവും നടത്തി.മഹല്ല്‌ ജനറല്‍ സെക്രട്ടറി ജമാല്‍ ബാപ്പുട്ടി,സലഫി മസ്‌ജിദ് ഇമാം മുഹമ്മദലി തച്ചമ്പാറ,പാവറട്ടി പൊലീസ് ഇന്‍‌സ്‌പെക്‌ടര്‍ അനുരാജ് എന്നിവര്‍ ആശം‌സകള്‍ നേര്‍‌ന്നു.

പ്രാര്‍‌ഥനക്ക് ശേഷം രണ്ടാമത്തെ സെഷനില്‍ പ്രതീക്ഷയുടെ തീരങ്ങളിലേക്ക് എന്ന വിഷയത്തില്‍ അഡ്വ.മുഹമ്മദ് ഫൈസി ഓണമ്പിള്ളി വിഷയാവതരണം നടത്തി.

അവധിയില്‍ നാട്ടിലുള്ള നേതൃനിരയിലുള്ളവരും പ്രവര്‍‌ത്തക സമിതി അം‌ഗങ്ങളും ഷറഫു ഹമീദ്,കെ.ജി റഷീദ്,ഷാഹുല്‍ ഹുസ്സൈന്‍,ഷഹീര്‍ അഹമ്മദ്,സലീം നാലകത്ത്,ഫൈസല്‍ ഫാറൂഖ്  തുടങ്ങിയവര്‍ പ്രതികൂല കാലാവസ്ഥയിലും സം‌ഗമത്തിന്റെ സം‌ഘാടനം മികവുറ്റതാക്കി. വിജ്ഞാന ദാഹികളായ സ്‌ത്രീകളും പുരുഷന്മാരും സദസ്സിനെ സമ്പന്നമാക്കി.എന്നാല്‍ യുവനിരയുടെ വേണ്ടത്ര പ്രാതിനിധ്യം ഉണ്ടായില്ലെന്ന് വിലയിരുത്തപ്പെട്ടു.

വിശിഷ്‌ടാതിഥികളെ ക്ഷണിക്കുന്നതിനും പരസ്യ പ്രചരണവുമായി ബന്ധപ്പെട്ടും മറ്റുമായി മഹല്ലിലെ സീനിയറുകളുടെ സഹായ സഹകരണം ജനറല്‍ സെക്രട്ടറി നന്ദിയോടെ സ്‌മരിച്ചു.

ജാഗ്രതാ സദസ്സ് തീരുമാനിക്കപ്പെട്ടത് മുതല്‍ പ്രവര്‍‌ത്തക സമിതിയോടൊപ്പം വീശേഷിച്ച് മീഡിയാ ഗ്രൂപ്പ് എല്ലാ അര്‍‌ഥത്തിലും പ്രവര്‍‌ത്തന സജ്ജമായത് സം‌ഗമത്തിന്റെ വിജയത്തിന്റെ പ്രധാനഘടകമായി വിലയിരുത്തപ്പെട്ടു.

ഖത്തര്‍ മഹല്ല് അസ്സോസിയേഷന്‍ സെക്രട്ടറി ഷാഹുല്‍ ഹുസ്സൈന്‍ നന്ദി പ്രകാശിപ്പിച്ചു.

Read More

സാമൂഹ്യ സുരക്ഷക്ക്

കേരളത്തിൽ സ്‌കൂൾ വിദ്യാർഥികളിലും യുവാക്കളിലും ലഹരി വസ്തുക്കളുടെ ഉപയോഗം വ്യാപകമാകുന്നതായി, സമീപകാലത്ത് രജിസ്റ്റർ ചെയ്ത കേസുകൾ തെളിയിക്കുന്നു. കേരളം ഇത്തരം ലഹരിമരുന്നുകളുടെ വലിയ വ്യാപാര കേന്ദ്രമായി മാറുകയാണ് എന്നാണ് അധികൃതരുടെ കണക്കുകൾ സൂചിപ്പിക്കുന്നത്. ഒരു തലമുറയുടെ ആരോഗ്യത്തെ കാർന്നുതിന്നുന്ന ഈ പ്രശ്‌നത്തെ ഒരു സാമൂഹിക ദുരന്തമായി കണ്ട് എങ്ങനെ നേരിടാം എന്നതിന്‌ യുദ്ധകാലാടിസ്ഥാനത്തിലുള്ള ജാഗ്രത വേണ്ടിവരും.

ലഹരി വസ്​തുക്കൾ വാങ്ങി ഉപയോഗിക്കുക എന്നതിനപ്പുറത്തേക്ക് ഏതാനും കുട്ടികളിൽ നിന്ന് നിരവധി കുട്ടികളിലേക്ക് ലഹരി ഉപഭോഗം പടർത്തിവിടുക, അതുവഴി ഒരു തലമുറയെ മുഴുവൻ ലഹരിക്കടത്തിന്റെ കണ്ണികളാക്കുക എന്നതാണ് ലഹരി കച്ചവടക്കാരുടെ ലക്ഷ്യമെന്ന് ഇതുമായി ബന്ധപ്പെട്ട വാർത്തകൾ,കേസുകൾ, എന്നിവ വിശകലനം ചെയ്​താൽ വ്യക്തമാകും.ഈ യുദ്ധഭൂമിയില്‍ ആവേശകരമായ സമീപനങ്ങളേക്കാള്‍ അവധാനതയോടെയുള്ള നീക്കങ്ങളായിരിയ്‌ക്കും അഭികാമ്യം.

നിതാന്ത ജാഗ്രതയോടെ നാടിന്റെ കരുതലില്‍ കൈകോര്‍‌ത്ത് നില്‍‌ക്കാം ...

ആഗസ്‌ത് 15 ന്‌ മഹല്ല് തിരുനെല്ലൂരും ഖത്തര്‍ മഹല്ല് അസോസിയേഷന്‍ തിരുനെല്ലൂരും സം‌യുക്തമായി ഒരുക്കുന്ന ജാഗ്രതാസദസ്സിലേക്ക് എല്ലാവരേയും സ്വാഗതം ചെയ്യുന്നു.

-----------

പ്രഭാഷകന്‍ ഓണമ്പിള്ളി മുഹമ്മദ് ഫൈസി

പ്രതീക്ഷയുടെ തീരങ്ങളിലേക്ക്

തിരുനെല്ലൂറ്റ് മദ്രസ്സാ അങ്കണത്തില്‍

വൈകുന്നേരം 7 മണിക്ക്

==========

Read More

പൊന്നേങ്കടത്ത് മോനുട്ടി യാത്രയായി

തിരുനെല്ലൂര്‍:പൊന്നേങ്കടത്ത് കെ.പി മുഹമ്മദ് സാഹിബ് (മോനുട്ടി) (81) അല്ലാഹുവിലേക്ക് യാത്രയായി.കുറച്ച് നാളായി ചിത്സയിലായിരുന്നു. ഖബറടക്കം തിരുനെല്ലൂര്‍ മഹല്ല് ഖബര്‍‌സ്ഥാനില്‍ ഇന്ന്‌ (തിങ്കള്‍) വൈകീട്ട് 3 മണിക്ക് നടക്കുമെന്ന് ബന്ധുക്കള്‍ അറിയിച്ചു.

ഭാര്യ:ഖദീജ,മക്കള്‍:ഷമീമ സുബൈര്‍,ഷൈജ ആസിഫ്, ഷം‌ന കബീര്‍, സാജിദ്. മരുമക്കള്‍ : സുബൈര്‍, ആസിഫ്,കബീര്‍,തസ്‌ലീമ.

സഹോദരങ്ങള്‍:പരേതനായ ഖാദര്‍ പൊന്നേങ്കടത്ത്, ഹാജി അഹമ്മദ്, ആമിന ഖാദര്‍, (തിരുനെല്ലൂര്‍) പാത്തുമോള്‍ (കോക്കൂര്‍),കയ്യു (കണ്ണോത്ത്).

ഉദയം പഠനവേദി,നന്മ തിരുനെല്ലൂർ സാംസ്ക്കാരിക  സമിതി,ഖത്തര്‍ മഹല്ല് അസോസിയേഷന്‍ തിരുനെല്ലൂര്‍ തുടങ്ങിയ വിവിധ കൂട്ടായ്‌മകള്‍ സഹൃദയനായ കെ.പി മുഹമ്മദ് സാഹിബിന്റെ നിര്യാണത്തില്‍  അനുശോചനം രേഖപ്പെടുത്തി.

അല്ലാഹു പരേതന്റെ പാരത്രിക ജീവിതം പ്രകാശപൂരിതമാക്കി അനുഗ്രഹിക്കട്ടെ.

===========

Read More

ധന്യമായ സം‌യുക്ത യോഗം

മഹല്ല്‌ തിരുനെല്ലൂര്‍ നേതൃത്വവും പ്രതിനിധികളും ഖത്തര്‍ മഹല്ല് അസോസിയേഷന്‍ തിരുനെല്ലൂരും സം‌യുക്തമായി കൂടിയിരുത്തം ധന്യമായി.മഹല്ല്‌ പ്രസിഡണ്ട് ഉമര്‍ കാട്ടില്‍,സൈനുദ്ദീന്‍ ഖുറൈഷി,ജമാല്‍ ബാപ്പുട്ടി,ഹാജി ഹുസൈന്‍ കെ.വി,അബ്‌ദുല്‍ വാഹിദ് ദാരിമി,മുസ്‌തഫ എം.എ,താജുദ്ദീന്‍;ഖ്യുമാറ്റ് പ്രസിഡണ്ട് ഷറഫു ഹമീദ്,ജനറല്‍ സെക്രട്ടറി കെ.ജി റഷീദ്,വൈസ് പ്രസിഡണ്ട് ആരിഫ് ഖാസ്സിം,തൗഫീഖ് താജുദ്ദീന്‍,ഹാരിസ് അബ്ബാസ്,അബുബിലാല്‍,സലീം നാലകത്ത്.പ്രതിനിധി അസ്‌ലം ഖാദര്‍ മോന്‍,സ്ഥിരം ക്ഷണിതാവ് ഹാജി ഹുസൈന്‍ കെ.വി എന്നിവരും കൂടിയിരുത്തത്തില്‍ പങ്കെടുത്തു.

സാമൂഹ്യ സുരക്ഷക്ക് നാടിന്റെ കരുതല്‍ എന്ന ക്യാമ്പയിന്‍ രണ്ടാം ഘട്ടവുമായി ബന്ധപ്പെട്ട ചര്‍‌ച്ചകളിലും മഹല്ലിന്റെ ദൈന്യം ദിന കാര്യങ്ങളുടെ സുഖമമായ സാമ്പത്തിക സുഭദ്രതക്ക് വേണ്ടിയുള്ള ആസുത്രണങ്ങളുമായി ബന്ധപ്പെട്ട ചര്‍‌ച്ചകളിലും എല്ലാവരും സജീവമായി പങ്കെടുത്തു. 

ക്യാമ്പയിനിന്റെ ഭാഗമായി രക്ഷിതാക്കള്‍‌ക്കുള്ള ബോധവത്കരണത്തിന്റെ പ്രാധാന്യം അടിവരയിടപ്പെട്ടു.രക്ഷിതാക്കള്‍‌ക്ക് വേണ്ടി ഉചിതമായൊരു പരിപാടി നൂറുല്‍ ഹിദായ മദ്രസ്സയില്‍ വെച്ച് സം‌ഘടിപ്പിക്കാമെന്ന് ധാരണയിലെത്തി.യുവാക്കളിലേക്ക് ക്യാമ്പയിന്‍ സന്ദേശമെത്തിക്കുന്നതിന്റെ ഭാഗമായി ഖ്യുമാറ്റ് പ്രതിനിധികളുടെ സാന്നിധ്യത്തിലും സഹകരണത്തിലും നടത്താനുദ്ദേശിക്കുന്ന പരിപാടികളും ചര്‍‌ച്ചയില്‍ ഉയര്‍‌ന്നു വന്നു.ഒരുമിച്ചുള്ള യാത്ര എന്ന ആശയമാണ്‌ ഏകദേശം പരിഗണിക്കപ്പെട്ടത്.പ്രായഭേദമന്യെ ഇഴയടുപ്പമുണ്ടാക്കാന്‍ യാത്ര ഉപകരിച്ചേക്കും എന്നും വിലയിരുത്തപ്പെട്ടു.

ക്യാമ്പയിനിന്റെ ഭാഗമായി പൊതുസമൂഹത്തെ ഉദ്ദേശിച്ചുള്ള പരിപാടി ഖ്യുമാറ്റ് തീരുനമാത്തിനു ശേഷം സാധ്യമാകുന്നവിധം സഹകരിക്കാനുള്ള മഹല്ലിന്റെ സന്നദ്ധത യോഗത്തില്‍ അറിയിച്ചു.

പള്ളിപ്പറമ്പില്‍ വിവിധയിനത്തിലുള്ള കാര്‍ഷിക വിളകളും സാമ്പത്തിക നേട്ടം ലഭിക്കുന്ന ഇതര കൃഷികളും എന്ന ആശയങ്ങളും പങ്കുവെക്കപ്പെട്ടു.

പള്ളിക്കും മദ്രസ്സക്കും മാസാന്തം വലിയ ഒരു തുക ചിലവ് വരുന്നുണ്ട്.ഇത്തരം അനിവാര്യമായ ചെലവുകൾ നിർവ്വഹിച്ച് സുഗമമായി മഹല്ലിനെ മുന്നോട്ട് നയിക്കുവാൻ ഉചിതമായ വരുമാന സ്രോതസ്സുകൾ കണ്ടെത്തണമെന്നും യോഗം അഭിപ്രായപ്പെട്ടു.

മഹല്ലിനെ കൂടുതൽ സാമ്പത്തിക സ്വയം പര്യാപ്തമാക്കുവാനുതകുന്ന പ്രൊജക്റ്റ്കൾക്ക് രൂപം നൽകുവാനും യോഗത്തിൽ അഭിപ്രായങ്ങൾ ഉണ്ടായി.

തഖ്‌വാ (മഞ്ഞിയില്‍) മസ്‌ജിദിലേക്ക് സുഖമായ പാതയൊരുക്കാന്‍ സ്ഥലം അനുവദിച്ച കാട്ടില്‍ സഹോദരങ്ങളുടെ ഉദാരതയും പാതയുടെ നിര്‍‌മാണത്തിന്റെ പ്രായോജകരകാന്‍ സന്നദ്ധതയോടെ മുന്നിട്ടിറങ്ങിയ വി.എസ് അബ്‌ദുല്‍ ജലീല്‍ , ഹാജി ഹുസൈന്‍ കെ.വി (അല്‍ തുറൈഫി) സഹോദരങ്ങളുടെ സേവനസന്നദ്ധതയും ശ്‌ളാഘനീയമാണെന്നു സം‌യുക്ത സമിതി വിശേഷിപ്പിച്ചു.മാതൃകാപരമായ സദ്‌കര്‍‌മങ്ങളുടെ മുന്‍ നിരക്കാരായ സുമനസ്സുകള്‍‌ക്കായി പ്രത്യേകം പ്രാര്‍‌ഥിക്കുകയും ചെയ്‌തു.

പ്രതീക്ഷകള്‍ ജനിപ്പിക്കുന്ന സം‌യുക്തമായ കൂടിയിരുത്തത്തില്‍ പങ്കെടുത്ത അം‌ഗങ്ങള്‍ സം‌തൃ‌പ്തി രേഖപ്പെടുത്തി.ഖ്യുമാറ്റ് പ്രവര്‍‌ത്തക സമിതിയിലും പ്രസ്‌തുത വിഷയങ്ങള്‍ ചര്‍‌ച്ചചെയ്യാനുള്ള സാധുതയും സാധ്യതയും നാടിനും നാട്ടുകാര്‍‌ക്കും അനുകൂലമാകുമെന്ന പ്രതീക്ഷയോടെ പ്രാര്‍‌ഥനയോടെ യോഗം അവസാനിച്ചു.

അല്ലാഹു നമ്മുടെ സദുദ്യമങ്ങളെ വിജയിപ്പിച്ചു തരുമാറാകട്ടെ.

========

ഖത്തര്‍ മഹല്ല് അസോസിയേഷന്‍ തിരുനെല്ലൂര്‍

Read More

ഷാജി യാത്രയായി

ആര്‍.കെ അബൂബക്കര്‍ എന്ന ഷാജി (56) എളവള്ളി അല്ലാഹുവിലേക്ക്‌ യാത്രയായി.നാളെ (13.07.25 ഞായര്‍) കാലത്ത് പണ്ടാറക്കാട് മഹല്ല് ഖബര്‍‌സ്ഥാനില്‍ ഖബറടക്കം നടക്കും.

ആദ്യഭാര്യയില്‍ നാല്‌ മക്കളുണ്ട്.രണ്ടാമത് വിവാഹം കഴിച്ച ജമീലയില്‍ ഖാസിം എന്ന മകനുണ്ട്.

ഖ്യുമാറ്റ് പ്രവര്‍‌ത്തക സമിതി അം‌ഗം കിഴക്കയില്‍ ഹാരിസ് അബ്ബാസിന്റെ അമ്മാവനാണ്‌ ഷാജി.പിതാവ്‌ കുഞ്ഞുബാവു,മാതാവ് ഫാത്തിമ കിഴക്കയില്‍.

സഹൃദയനായ ഷാജിയുടെ പെട്ടെന്നുള്ള വിയോഗത്തില്‍ എളവള്ളി വ്യാപാരി വ്യവസായി യൂണിറ്റ്, ഉദയം പഠനവേദി,നന്മ തിരുനെല്ലൂർ സാംസ്ക്കാരിക സമിതി, ഖത്തര്‍ മഹല്ല് അസോസിയേഷന്‍ തിരുനെല്ലൂര്‍, തുടങ്ങിയ സം‌ഘടനകളും, നാട്ടുകൂട്ടങ്ങളും പ്രവാസി കൂട്ടായ്‌മകളും അനുശോചനം രേഖപ്പെടുത്തി.

അല്ലാഹു പരേതന്റെ പാരത്രിക ജീവിതം പ്രകാശപൂരിതമാക്കി അനുഗ്രഹിക്കട്ടെ.

==========

Read More

നാടിന്റെ നാടിമിടിപ്പ്

ഖത്തര്‍ മഹല്ല്‌ അസോസിയേഷന്‍ തിരുനെല്ലൂര്‍ പ്രവര്‍‌ത്തക സമിതി സൂം ഓണ്‍ ലൈവില്‍ പ്രസിഡന്റ് ഷറഫു ഹമീദിന്റെ അധ്യക്ഷതയില്‍ ചേര്‍‌ന്നു.കൃത്യമായ അജണ്ടകളുമായി കൂടിയ യോഗം അം‌ഗങ്ങളുടെ സജീവ സാന്നിധ്യം കൊണ്ട് ധന്യമായി.

മഹല്ലിന്റെ - നാടിന്റെ കാര്യത്തില്‍ സാധ്യമാകുന്നത്ര സഹകരിക്കുക എന്നതാണ്‌ ഖ്യുമാറ്റിന്റെ പ്രഖ്യാപിത നയം.ഒന്നിന്റെയും പിതൃത്വം ചേര്‍‌ക്കപ്പെടണം എന്നതല്ല അസോസിയേഷന്റെ രീതി.നാടിനും നാട്ടുകാര്‍‌ക്കും ഉപകാരപ്പെടുക എന്നതാണ്‌ നമ്മുടെ ആത്മാര്‍‌ഥമായ തേട്ടം.അധ്യക്ഷന്‍ ആമുഖത്തില്‍ വ്യക്തമാക്കി.

ഇവിടെ ആരും സമിതിയുടെ ഉത്തരവാദിത്തങ്ങളില്‍ മാത്രം മുഴുകിയിരിക്കുന്നവരല്ല.പരമാവധി സമയമുണ്ടാക്കി സാധ്യമാകുന്നത്ര പ്രവര്‍‌ത്തിക്കുകയാണ്‌.അതിനാല്‍ ഇതിലെ പ്രവര്‍‌ത്തന നൈരന്തര്യത്തിലെ നിംനോനതകളെ ആരോഗ്യകരമായി വായിച്ചെടുക്കണമെന്നും അധ്യക്ഷന്‍ ഓര്‍‌മിപ്പിച്ചു. 

മഹല്ലിന്‌ വേണ്ടി മാസാന്തം നിശ്ചിത വിഹിതം അയച്ചു കൊടുക്കാനുള്ള മുന്‍ തീരുമാനം കഴിഞ്ഞ മാസം മുതല്‍ സെക്രട്ടറി ഷാഹുല്‍ ഹുസ്സൈനിന്റെ നേതൃത്വത്തില്‍ തുടക്കം കുറിക്കാനയതായി സദസ്സില്‍ വിശദീകരിക്കപ്പെട്ടു.

മാസാന്തമുള്ള സാന്ത്വന സേവന പരിപാടികള്‍ യഥാവിധി നടക്കുന്ന കാര്യവും പങ്കുവെക്കപ്പെട്ടു

അസോസിയേഷന്റെ പ്രവര്‍‌ത്തക സമിതിയിലേക്ക് അനിവാര്യമായും ചേര്‍‌ക്കപ്പെടേണ്ട രണ്ട് പേരെ കുറിച്ച് (അബുബിലാല്‍,ഫിറോസ് അഹമ്മദ്) ജനറല്‍ സെക്രട്ടറി അം‌ഗങ്ങളെ ധരിപ്പിച്ചു.എല്ലാവരുടേയും അഭിപ്രായ സമവായത്തോടെ ആകാമെന്ന് ധാരണയായി.

സാമൂഹ്യ സുരക്ഷക്ക് നാടിന്റെ കരുതല്‍ എന്ന പ്രമേയത്തെ ആസ്‌പദമാക്കിയ ലഹരിക്കെതിരെയുള്ള ക്യാമ്പയിന്‍ രണ്ടാം ഘട്ടം മഹല്ലുമായി സഹകരിച്ച് നടത്തുന്നതുമായി ബന്ധപ്പെട്ട അന്വേഷണത്തിന്‌ ലഭിക്കുന്ന മറുപടിയനുസരിച്ച് തുടര്‍ പരിപാടികള്‍ ആസൂത്രണം ചെയ്യാമെന്ന് ധാരണയിലെത്തി.

വരും ദിവസങ്ങളില്‍ നേതൃനിരയിലുള്ളവര്‍ അധികവും നാട്ടിലെത്തിയാല്‍ മുഖാമുഖം തന്നെ സം‌സാരിച്ച് ഒരു തീരുമാനത്തിലെത്താന്‍ സാധിക്കും എന്ന് അധ്യക്ഷന്‍ പ്രത്യാശ പ്രകടിപ്പിച്ചു.(യോഗവസാനത്തില്‍ മഹല്ലില്‍ നിന്നും അനുകൂലമായ പ്രതികരണം ലഭിച്ചിരുന്നു)

ഏതൊരു പദ്ധതിയും അവതരിപ്പിക്കുക എന്നതിലുപരി ഓരോ ഘട്ടത്തിലെയും പ്രവര്‍‌ത്തനങ്ങള്‍ എത്രത്തോളം സമൂഹത്തിന്‌ ഉപകാരപ്പെടുന്നു എന്ന അന്വേഷണം അനിവാര്യമാണെന്നും കേവലമായ പരിപാടികള്‍ എന്നതിനെക്കാള്‍ എത്രത്തോളം പ്രയോജനപ്രദമാണ്‌ എന്നതില്‍  ശുഷ്‌കാന്തി ഉണ്ടാകണം എന്നും നിരീക്ഷിക്കപ്പെട്ടു.

മഹല്ലിന്റെ സുഭദ്രമായ ഭാവി ലക്ഷ്യം വെച്ചുള്ള വിവിധ പദ്ധതികളുമായി ബന്ധപ്പെട്ട ചര്‍‌ച്ച അധ്യക്ഷന്‍ തുടക്കമിട്ടു.പ്രവാസികള്‍ പുതിയ ആശയങ്ങളും ആസൂത്രണങ്ങളും വിഭാവനകളും തയാറാക്കുന്നതിന്റെ ആദ്യപടിയായി തുടക്കം മുതല്‍ തന്നെ മഹല്ലുമായി കാര്യങ്ങള്‍ കൂടിയാലോചിക്കുന്നത് നന്നായിരിയ്‌ക്കും എന്ന് അം‌ഗങ്ങള്‍ അഭിപ്രായപ്പെട്ടു.ഒപ്പം ഇതര ഗള്‍‌ഫ് പ്രവാസി കൂട്ടായ്‌മകളുമായും ഇത്തരം വിഷയങ്ങള്‍ പങ്കുവെക്കുന്നതും കൂടെ കൂട്ടുന്നതിന്റെ ആവശ്യകതയും സൂചിപ്പിക്കപ്പെട്ടു. 

ലാഭകരമായ കൃഷി രീതികള്‍‌ക്ക് പുറപ്പെടും മുമ്പ് അതുമായി ബന്ധപ്പെട്ട എല്ലാതലത്തിലുമുള്ള സാധുതയും സാധ്യതയും പഠിക്കണമെന്നും നിരീക്ഷിക്കപ്പെട്ടു.

നാട്ടില്‍ നിന്നും പുതുതായി വരുന്നവര്‍‌ക്കും,ഒരുപക്ഷെ ജോലി സം‌ബന്ധമായി പ്രയാസം അനുഭവിക്കുന്നവര്‍‌ക്കും ഒക്കെ സഹായകരമാകുന്ന വിധം സേവനങ്ങളുമായി ബന്ധപ്പെട്ട അഭിപ്രായങ്ങള്‍ ഉയര്‍‌ന്ന സാഹചര്യത്തില്‍ കൃത്യമായി പഠിച്ച ശേഷം നമുക്കാവുന്നവിധം നടപ്പിലാക്കാന്‍ സാധിച്ചേക്കും എന്ന് അധ്യക്ഷന്‍ പ്രതികരിച്ചു. 

ഇത്തവണ ഹജ്ജ് കര്‍‌മം നിര്‍‌വഹിച്ച് തിരിച്ചെത്തിയ സാന്ത്വനം കണ്‍‌വീനര്‍ സമീര്‍ കുഞ്ഞുമോന്റെ സാന്നിധ്യം പ്രസിഡന്റ്‌ പ്രത്യേകം പരാമര്‍‌ശിക്കുകയും സ്‌നേഹാഭിവാദ്യങ്ങള്‍ നേരുകയും ചെയ്‌തു .

ജനറല്‍ സെക്രട്ടറി കെജി റഷീദിന്റെ പ്രാര്‍‌ഥനയോടെ തുടങ്ങിയ യോഗം രണ്ട് സെഷനുകളിലായി രണ്ട് മണിക്കൂറോളം നീണ്ടു നിന്നു.

==========

Read More