എം എസ് എസ് സംസ്ഥാന പ്രസിഡന്റ്‌ ഉണ്ണീന്‍ ഹാജിയുടെ അധ്യക്ഷതയില്‍ ചേര്‍ന്ന സംഗമത്തില്‍ വിവിധ മുസ്‌ലിം സംഘടനാ പ്രതിനിധികളും രാഷ്‌ട്രിയ സാംസ്‌കാരിക രംഗത്തെ പ്രമുഖരും പങ്കെടുത്തു.കെവി അബ്‌ദുല്‍ ഖാദര്‍ എം എല്‍ എ ,അഡ്വ.പി വി സൈനുദ്ധീന്‍ ,ഓണം പള്ളി മുഹമ്മദ്‌ ഫൈസി ,പികെ ബാവ ദാരിമി,പി.മുഹമ്മദ്‌ കോയ,അഡ്വ.എ.വൈ ഖാലിദ്‌,ആര്‍ പി റഷീദ്‌,ടിഎസ് നിസാമുദ്ധീന്‍ തുടങ്ങിയവര്‍ ഉദ്‌ഘാടന സെഷനില്‍ വിവിധ വിഷയങ്ങളെ അധികരിച്ച്‌ സംസാരിച്ചു.
ഉച്ചക്ക്‌ ശേഷം നടന്ന സമാപന സമ്മേളനം മന്ത്രി മഞ്ഞളാം കുഴി അലി ഉദ്‌ഘാടനം ചെയ്‌തു.കേന്ദ്ര സംസ്ഥാന സര്‍ക്കാറുകളുടെ ന്യൂന പക്ഷ പിന്നോക്ക വിഭാഗങ്ങള്‍ക്കുള്ള വിഹിതങ്ങളും ആനുകൂല്യങ്ങളും യഥാവിധി ഉപയോഗപ്പെടുത്തുന്നതില്‍ മറ്റു സംസ്‌ഥാനങ്ങളെ അപേക്ഷിച്ച്‌ കേരളം മുന്നിലാണെങ്കിലും ഇവ്വിഷയത്തില്‍ ബോധവത്കരണം അനിവാര്യമാണെന്നും അതിനു എം എസ് എസ് പോലുള്ള കൂട്ടുത്തരവാദിത്തമുള്ള സംഘത്തിന്റെ പ്രവര്‍ത്തനം ശ്‌ളാഘനീയമാണെന്നും മന്ത്രി പറഞ്ഞു.
കേരള സംസ്ഥാന പിന്നോക്ക വിഭാഗ വികസന കോര്‍പറേഷന്‍ റീജ്യണല്‍ മാനേജര്‍ വേണുഗോപാല്‍ ,സാമൂഹിക സുരക്ഷാ വിഭാഗം എക്‌സിക്യൂട്ടീവ്‌ എന്നിവര്‍ സംസ്ഥാന മിഷനറികളുടെ ക്ഷേമ പദ്ധതികള്‍ സവിസ്‌തരം വിശദീകരിച്ചു.
മഹല്ലു ശാക്തീകരണവുമായി ബന്ധപ്പെട്ട അജണ്ടകള്‍ സവിസ്‌തരം ചര്‍ച്ച ചെയ്യപ്പെടുകയും ലിഖിത രൂപത്തിലുള്ള രൂപരേഖ മഹല്ലു പ്രതിനിധികള്‍ക്ക്‌ വിതരണം നടത്തുകയും ചെയ്‌തു.
