വലിയ പെരുന്നാള് ഈ മാസം 27ന്. പാണക്കാട് സയ്യിദ് ഹൈദരലി ശിഹാബ് തങ്ങള്, കോഴിക്കോട് ഖാസി സയ്യിദ് മുഹമ്മദ് കോയ തങ്ങള്,സമസ്ത ജനറല് സെക്രട്ടറി ചെറുശ്ശേരി സൈനുദ്ദീന് മുസല്യാര് എന്നിവര് കോഴിക്കോട്ട് അറിയിച്ചതാണിക്കാര്യം. കാപ്പാട്, മാസപ്പിറവി കണ്ടതിന്റെ അടിസ്ഥാനത്തിലാണിത്. ഇന്ന് ദുല്ഹജ് ഒന്നായിരിക്കുമെന്നും ഖാസിമാര് അറിയിച്ചു. പെരുന്നാള് 27ന് ആയിരിക്കുമെന്ന് തിരുവനന്തപുരം പാളയം ഇമാം ജമാലുദ്ദീന് മങ്കട, കേരള ഹിലാല് കമ്മറ്റി ചെയര്മാന് എ.പി.അബ്ദുള് ഖാദര് മൌലവി എന്നിവരും അറിയിച്ചു.