ദോഹ:തിരുനെല്ലൂര് മഹല്ലിലെ ഖത്തറില് ഉപജീവനാര്ഥം എത്തിയ പ്രവാസികളായ സഹൃദയ സംഘത്തിന്റെ സാമുഹ്യ പ്രതിബദ്ധത അന്വര്ഥമാക്കും വിധമുള്ള അസോസിയേഷന്റെ പ്രവര്ത്തനങ്ങള് അനസ്യൂതം തുടര്ന്നു കൊണ്ടിരിക്കും.ഖത്തര് മഹല്ല് അസോസിയേഷന് തിരുനെല്ലൂര് എന്ന വിലാസം സ്വദേശത്തും വിദേശത്തും ഏറെ സുപരിചിതമാകുവോളം അതിന്റെ സന്നദ്ധ സാന്ത്വന സേവന പ്രവര്ത്തനങ്ങള് ജനകീയമാണ്.നാടിന്റെയും നാട്ടുകാരുടേയും പൊതു നന്മ ലക്ഷ്യം വെച്ചുള്ള കാര്യങ്ങളില് ആവുന്നത്ര സഹകരിക്കുക എന്നതു തന്നെയായിരിയ്ക്കും നമ്മുടെ അജണ്ട.ഇത്തരം പ്രവര്ത്തന നൈരന്തര്യത്തിന്റെ പ്രതിഫലനങ്ങള് ഇഹത്തിലും സമ്പൂര്ണ്ണ പ്രതിഫലം നാളെ ലോക രക്ഷിതാവായ നാഥനില് നിന്നും എന്നതാണ് ഈ പ്രസ്ഥാനത്തെ നയിക്കുന്ന പ്രചോദനം.
ഖത്തര് മഹല്ല് അസോസിയേഷന് തിരുനെല്ലൂരിന്റെ പ്രവര്ത്തക സമിതി അഭിപ്രായപ്പെട്ടു.
അസോസിയേഷന് പ്രസിഡന്റ് ഷറഫു ഹമീദിന്റെ അധ്യക്ഷതയില് 2017/18 ലെ ഒടുവിലത്തെ പ്രവര്ത്തക സമിതിയില് കഴിഞ്ഞകാല പ്രവര്ത്തനങ്ങളെ വിലയിരുത്തിക്കൊണ്ടും ഇനിയും വളര്ന്നു വരാനിരിക്കുന്ന പുതിയ വിഭാവനകളെ നിരീക്ഷിച്ചു കൊണ്ടും ഓരോ അംഗവും ചര്ച്ചയെ ധന്യമാക്കി.
അസോസിയേഷന് മാര്ഗ നിര്ദേശക രേഖ പ്രകാരമുള്ള ദ്വിവര്ഷ കാലാവധി തീരുന്നതോടെ പുതിയ തെരഞ്ഞെടുപ്പിനു വേണ്ടി നവംബര് 30 ന് ജനറല് ബോഡി വിളിക്കാനുള്ള തീരുമാനം പ്രഖ്യാപിക്കപ്പെട്ടു.നബി ദിനം പ്രമാണിച്ച് ഉന്നത വിജയം നേടിയ വിദ്യാര്ഥികള്ക്കും മദ്രസ്സയില് തൃപ്തികരമായ ഹാജര് രേഖപ്പെടുത്തപ്പെട്ടവര്ക്കും പ്രശംസാ പത്രവും കേഷ് അവാര്ഡും സമ്മാനിക്കാന് സമിതിയില് ധാരണയായി.നടപ്പു മാസത്തെ സാന്ത്വന സ്പര്ശം ഈ വാരാന്ത്യത്തില് വിതരണം ചെയ്യാനുള്ള നടപടികള് പൂര്ത്തിയായതായും അധ്യക്ഷന് അറിയിച്ചു.
തെരഞ്ഞെടുപ്പ് ചട്ടപ്രകാരം സജീവരായ അംഗങ്ങളെ ഉള്കൊള്ളിച്ചുള്ള ഒരു ചാര്ട്ട് തയ്യാറാക്കാനും ജനറല് ബോഡിയുടെ താല്പര്യം പരിഗണിച്ച് ആവശ്യമെങ്കില് പുതിയ അംഗങ്ങളെ ചേര്ക്കാനും സമിതി തീരുമാനിച്ചു.ഭാരവാഹികളെ തെരഞ്ഞെടുക്കുന്ന പ്രക്രിയ മാര്ഗ നിര്ദേശക രേഖയില് വ്യക്തമാക്കിയ വിധം നടപടി ക്രമങ്ങള് പാലിക്കാനും ധാരണയായി.
തെരഞ്ഞെടുപ്പിന് നേതൃത്വം കൊടുക്കാന് സീനിയര് അംഗങ്ങളായ ഹമീദ് ആര്.കെ,അബ്ദുല് ഖാദര് പുതിയവീട്ടില്,അബ്ദുന്നാസര് അബ്ദുല് കരീം, സലീം നാലകത്ത് എന്നിവരെ ചുമതലപ്പെടുത്തിയതായും അധ്യക്ഷന് അറിയിച്ചു.
തെരഞ്ഞെടുപ്പിന് നേതൃത്വം കൊടുക്കാന് സീനിയര് അംഗങ്ങളായ ഹമീദ് ആര്.കെ,അബ്ദുല് ഖാദര് പുതിയവീട്ടില്,അബ്ദുന്നാസര് അബ്ദുല് കരീം, സലീം നാലകത്ത് എന്നിവരെ ചുമതലപ്പെടുത്തിയതായും അധ്യക്ഷന് അറിയിച്ചു.
ജനറല് സെക്രട്ടറി ഹാരിസ് അബ്ബാസ് സ്വാഗതമാശംസിച്ചു.ഫൈസല് അബൂബക്കര് ഹാജിയുടെ ഖുര്ആന് പാരായണത്തോടെയായിരുന്നു പ്രവര്ത്തക സമിതി പ്രാരംഭം കുറിച്ചത്.സെക്രട്ടറി ഷൈതാജ് നന്ദി പ്രകാശിപ്പിച്ചു.