2016 ജനുവരി രണ്ടാം വാരത്തില്‍ ദോഹ ഗ്രാന്റ്‌ ഖത്തര്‍ പാലസ് ഹോട്ടലില്‍ വെച്ച്‌ ജനറല്‍ ബോഡി കൂടാമെന്നു തീരുമാനിച്ചു.പുതിയ സഭയും സമിതിയും തെരഞ്ഞെടുക്കപ്പെടാനുള്ള സാഹചര്യത്തില്‍ മൂന്നം‌ഗ തെരഞ്ഞെടുപ്പ്‌ സമിതിയ്‌ക്ക്‌ രൂപം നല്‍‌കി.അസീസ്‌ മഞ്ഞിയില്‍ അധ്യക്ഷനായ സമിതിയില്‍ സലീം ഖാദര്‍ മോന്‍,ഉമര്‍ തെക്കെയില്‍ എന്നിവര്‍ ഉദ്യോഗസ്ഥരായിരിയ്‌ക്കും.
പ്രസിഡണ്ടിന്റെ അധ്യക്ഷതയില്‍ തുടങ്ങുന്ന ജനറല്‍ ബോഡി അബ്‌ദുല്‍ ഖാദര്‍ പുതിയവീട്ടിലിന്റെ ഖിറാഅത്തോടേ ആരം‌ഭിക്കും. വൈസ്‌പ്രസിഡണ്ട്‌ അബ്‌ദുല്‍ നാസര്‍ അബ്‌ദുല്‍ കരീം സ്വാഗതം പറയും.ജനറല്‍ സെക്രട്ടറി റിപ്പോര്ട്ട് അവതരിപ്പിക്കും.സാമ്പത്തിക റിപ്പോര്ട്ട് ട്രഷറര്‍ ഇസ്‌മാഈല്‍ ബാവ നിര്‍‌വഹിക്കും.സെക്രട്ടറിമാരായ ജാസിര്‍ അബ്‌ദുല്‍ അസീസും,അബു മുഹമ്മദ്‌മോനും തങ്ങള്‍ പ്രതിനിധാനം ചെയ്യുന്ന മുല്ലശ്ശേരി കുന്ന്‌,മുള്ളന്തറ എന്നീ പ്രദേശിക വര്‍ത്തമാനങ്ങള്‍ പങ്കുവെയ്‌ക്കും.
തുടര്ന്നു സദസ്സിനുള്ള അവസരം നല്‍‌കും.അധ്യക്ഷന്റെ മറുപടി പ്രഭാഷണത്തിനു ശേഷം സെക്രട്ടറി അസ്‌ലം ഖാദര്മോന് നന്ദി പ്രകാശിപ്പിക്കുന്നതോടെ ജനറല്‍ ബോഡിയുടെ ആദ്യ സെഷന്‍ സമാപിക്കും.
തെരഞ്ഞെടുപ്പ്‌സമിതി അധ്യക്ഷന്‍ അസീസ്‌ മഞ്ഞിയിലിന്റെ നേതൃത്വത്തില്‍ രണ്ടാമത്തെ സെഷന്‍ തുടങ്ങും.2015 കാലയളവില്‍ ഏറെ സജീവരായിരുന്ന അം‌ഗങ്ങളെ പുതിയ സമിതിയില്‍ ഉള്‍‌കൊള്ളിക്കാനുള്ള പ്രവര്ത്തക സമിതി ശുപാര്‍‌ശ ജനറല്‍‌ബോഡിയില്‍ അവതരിപ്പിച്ച്‌ അംഗീകാരത്തിനു സമര്‍‌പ്പിക്കും.
ജനറല്‍ബോഡിയുടെ ഹിതമന്വേഷിച്ച്‌ ഉചി്‌തമായ തീരുമാനത്തിലെത്തിയതിനു ശേഷം 24 അം‌ഗ പ്രവര്ത്തക സമിതിയ്‌ക്ക്‌ രൂപം നല്‍‌കും.പ്രസ്‌തുത സമിതി അം‌ഗങ്ങളില്‍ നിന്നും പ്രസിഡണ്ടിനെയും ജനറല്‍ സെക്രട്ടറിയെയും ട്രഷററെയും ബാലറ്റിലൂടെ തെരഞ്ഞെടുക്കാനുള്ള അവസരമുണ്ടാക്കും.തെരഞ്ഞെടുപ്പ്‌ റിസല്‍‌റ്റുകള്‍ ഒന്നൊന്നായി പ്രഖ്യാപിക്കും.എല്ലാ നടപടികളും പുര്‍‌ത്തിയായാല്‍ ഒരിക്കല്‍ കൂടെ പുതിയ നേതൃത്വത്തേയും സമിതിയേയും ജനറല്‍ ബോഡി സമക്ഷം അവതരിപ്പിക്കും.പുതിയ സമിതി നിലവില്‍ വന്നതിനു ശേഷം ആദ്യ പ്രവര്ത്തക സമിതിയില്‍ വെച്ചായിരിക്കും ഇതര ഉദ്യോഗസ്ഥരെ തെരഞ്ഞെടുക്കുക. പുതിയ നേതൃത്വവും സമിതിയും പൂര്‍‌ണ്ണമായും നിലവില്‍ വരുന്നതു വരെ തെരഞ്ഞെടുപ്പ്‌ സമിതിയുടെ നിരീക്ഷണത്തിലും നേതൃത്വത്തിലുമായിരിയ്‌ക്കും ഖത്തര്‍ മഹല്ലു അസോസിയേഷന്‍ തിരുനെല്ലൂര്‍ പ്രവര്ത്തക സമിതി.
