അസീസ് മഞ്ഞിയിലിന്റെ കവിതാ സമാഹാരം മഞ്ഞു തുള്ളികള്‍ കവി സച്ചിതാനന്ദന്‍ പ്രകാശനം ചെയ്യും.2024 മെയ് 20 വൈകുന്നേരം 5 മണിക്ക് തൃശൂര്‍ കേരള സാഹിത്യ അക്കാദമി വൈലോപ്പിള്ളി ഹാളില്‍ വെച്ച് നടക്കുന്ന പ്രകാശനച്ചടങ്ങില്‍ ഡോ. സലീൽ ഹസൻ, പി.ടി. കുഞ്ഞാലി.സിദ്ദീഖ് വചനം,സക്കീര്‍ ഹുസൈൻ (തനിമ),സുലൈമാന്‍ അസ്‌ഹരി (തനിമ ചാവക്കാട്), അഡ്വ.ഖാലിദ് അറക്കല്‍, എ.വി.എം ഉണ്ണി, റഹ്‌മാന്‍ തിരുനെല്ലൂര്‍, സൈനുദ്ദീന്‍ ഖുറൈഷി, ഇർഫാന കല്ലയിൽ തുടങ്ങിയവര്‍ പങ്കെടുക്കും.വചനം പബ്ളിഷിംഗ് ഹൗസാണ് പ്രസാധകർ.
മഞ്ഞിയിലിൻ്റെ കാവ്യലോകം കൂടുതൽ ആസ്വാദ്യകരമാകുന്നത് അത് അനുഭവ തീക്ഷണതയിൽ ആവിഷ്കാരമായത് കൊണ്ടാണ്.കവിയുടെ സഹജമായ ജീവിത പരിസരവും സാമൂഹിക അന്തരീക്ഷവും തമ്മിൽ പ്രതിപ്രവർത്തിക്കുമ്പോൾ അത് അരാഷ്ട്രീയമാവുക അസാധ്യം തന്നെയാവും.വായനയേയും എഴുത്തിനേയും അഗാധമായി പ്രണയിച്ച് അതിൽ അടവെച്ച് വിരിയിച്ച ഈ കവിതകൾക്കൊക്കെയും അത് കൊണ്ട് തന്നെ ഒരു പ്രത്യേക ചാരുതയുണ്ട്. പ്രസാദകര്‍ അഭിപ്രായപ്പെട്ടു.ഈ കൃതിയിലെ അറുപതോളം വരുന്ന കവിതകളും അത്യന്തം വായനക്ഷമമാണ്.
വചനം പബ്ളിഷിംഗ് ഡയറക്‌ടരക്‌ടര്‍ സിദ്ദീഖ് കുറ്റിക്കാട്ടൂര്‍ മുഖവചനത്തില്‍ കുറിച്ചു.
കവിതകള്‍‌ക്ക് രേഖാചിത്രം വരച്ച് ആശയത്തെ കൂടുതൽ വെടിപ്പാക്കിയത് ചിത്രകാരൻ നൗഷാദ് വെള്ളലശ്ശേരിയാണ്‌.പ്രൗഢമായ അവതാരികയെഴുതി സമാഹാരത്തെ സമ്പന്നമാക്കിയത് നിരൂപകൻ പി.ടി. കുഞ്ഞാലി മാഷും,ലേ ഔട്ട് നിർവഹിച്ചത് എം. ഇല്യാസുമാണ്‌.
