ദോഹ : തിരുനെല്ലൂര്‍ മഹല്ലിലെ കിഴക്കേക്കരയിലെ നൂറുല്‍ ഹിദായ മദ്രസ്സാ പുനരുദ്ധാരണാനന്തരമുള്ള ഉദ്‌ഘാടനത്തിന്‌ ഖത്തര്‍ മഹല്ല് അസോസിയേഷന്‍ തിരുനെല്ലൂര്‍ ആശം‌സകള്‍ നേര്‍‌ന്നു.....
ഈ ധന്യ നിമിഷങ്ങളില്‍ ഹരിതാഭമായ ഓര്‍‌മ്മകള്‍‌ക്ക്‌ എന്തൊരു സുഗന്ധം. കിഴെക്കെക്കര മദ്രസയുടെ ഉത്ഭവം 70 കളിലായിരുന്നു .
ബഹുമാന്യനായ കണ്ടംപറമ്പിൽ അഹമ്മദ് സാഹിബ് സൗജന്യമായി നൽകിയ സ്ഥലത്താണ് മദ്രസ നിർമാണം തുടങ്ങിയത്. അന്നത്തെ മഹല്ല് പ്രസിഡന്റ് കിഴക്കേ പുരയിൽ പരീത്‌ സാഹിബ്,ജനറൽ സെക്രട്ടറി തയ്യപ്പിൽ സെയ്‌‌തു,ഖജാഞ്ചി പന്തപ്പിലാക്കൽ മുഹമ്മദ് ഇവരോടപ്പം പ്രവര്‍‌ത്തക സമിതിയിലെ ജോയിന്റ് സെക്രട്ടറിമാരായി തട്ടു പറമ്പില്‍ ഹനീഫ , പാലപ്പറമ്പിൽ ഹംസ, കാട്ടേ പറമ്പില്‍ മുസ്‌‌തഫ , വൈസ് പ്രസിഡന്റായി കൂടത്ത് മുഹമ്മുണ്ണി ഹാജിയും ഉണ്ടായിരുന്നു.
നാലര പതിറ്റാണ്ടുകള്‍‌ക്ക് ശേഷം കിഴക്കേകരയിലെ മദ്രസ പുനരുദ്ധരിച്ചതിന്റെ ശേഷമുള്ള ഉദ്‌ഘാടനത്തിന്‌ ആശം‌സകള്‍ നേരുന്നു.ഈ സം‌രം‌ഭത്തിന്‌ ഇടപെടുകയും നേതൃത്വം നല്‍‌കുകയും യഥാവിധി പൂര്‍‌ത്തീകരിക്കുകയും ചെയ്‌ത മഹല്ല് നേതൃത്വത്തിനും പ്രവര്‍‌ത്തകര്‍‌ക്കും കൂടെ നിന്നവര്‍‌ക്കും സഹകരിച്ചവര്‍‌ക്കും വേണ്ടി പ്രാര്‍‌ഥിക്കുന്നു.
നാടിന്റെ മത സാമൂഹിക സാം‌സ്‌ക്കാരിക രം‌ഗങ്ങളില്‍ സേവന നിരതരായി വിടപറഞ്ഞവര്‍‌ക്കും ഇന്നും സജീവമായി നിലകൊള്ളുന്നവര്‍‌ക്കും ആയുരാരോഗ്യങ്ങള്‍ നേരുന്നു.
നമ്മുടെ കര്‍‌മ്മങ്ങള്‍ ഓരോന്നും സ്വീകര്യമായി ഈ ലോകത്ത് പ്രതിഫലനം സൃഷ്‌ടിക്കുന്നതും പരലോകത്ത് പ്രതിഫലാര്‍‌ഹവുമാകട്ടെ. എന്ന മനസ്സ് തൊട്ട പ്രാര്‍‌ഥനയോടെ...
ഈ സന്തോഷത്തില്‍ പങ്കുചേര്‍‌ന്നു കൊണ്ട് ....
ഹൃദയ പൂര്‍‌വം
ഖത്തര്‍ മഹല്ല് അസോസിയേഷന്‍ തിരുനെല്ലൂര്‍
14.09.2024
--------------------
