ദോഹ:പരസ്പരം സം‌വദിച്ചും സ്‌നേഹിച്ചും സൗഹൃദം പുതുക്കിയും കര്‍‌മവീഥിയില്‍ മുന്നോട്ടു പോകാനുള്ള സൗമനസ്സ്യം സഹൃദയര്‍‌ക്ക് ഉണ്ടാകണം.ഖത്തര്‍ മഹല്ല് അസോസിയേഷന്‍ തിരുനെല്ലൂര്‍ അധ്യക്ഷന്‍ ഷറഫു ഹമീദ് പറഞ്ഞു.അസോസിയേഷന്റെ കഴിഞ്ഞ പ്രവര്‍‌ത്തക വര്‍‌ഷത്തെ ഒടുവിലത്തെ പ്രവര്‍‌ത്തക സമിതിയില്‍ സം‌സാരിക്കുകയായിരുന്നു പ്രസിഡണ്ട്.തിരുനെല്ലൂര്‍ മഹല്ലിന്റെ ഖത്തറിലെ കൂട്ടായ്‌മയുടെ കരുത്തും പകിട്ടും ഓരോ പ്രവര്‍‌ത്തകന്റെയും തിളക്കമാര്‍‌ന്ന പ്രതിജ്ഞാബദ്ധതയാണെന്നും അദ്ദേഹം വിശദീകരിച്ചു.
അസീസ് മഞ്ഞിയിലിന്റെ ഖുര്‍‌ആന്‍ ദര്‍സ്സോടെയായിരുന്നു യോഗം തുടങ്ങിയത്.യഥാര്‍‌ഥ വിശ്വാസി ഭൂമിയിലെ സകല മനുഷ്യര്‍ക്കും ജന്തുജാലങ്ങള്‍ക്കും ആശാകേന്ദ്രമായിരിക്കും. അവന്‍ ഒരു തണല്‍ മരം പോലെ പടര്‍ന്നു പന്തലിച്ചു നില്‍ക്കും .അതുവഴി കടന്നു പോകുന്ന മനുഷ്യര്‍ക്കും കാലികള്‍ക്കും തണലേകിക്കൊണ്ട്‌ ഇടത്താവളം പോലെ അഭയകേന്ദ്രം പോലെ.അതുവഴി പാറി പറന്നെത്തുന്ന സകല പറവകള്‍ അതിലെ കായ്‌കനികള്‍ ഭക്ഷിക്കാം.അതിന്റെ ചില്ലകളില്‍ കൂടുകൂട്ടും.പരിശുദ്ധ വചനത്തെ ആലങ്കാരികമായി ഉപമിച്ച വിശുദ്ധ വാക്യത്തിന്റെ പൊരുളുകള്‍ ഖുര്‍‌ആന്‍ പാഠത്തില്‍ വിശദീകരിച്ചു.
ജനറല്‍ സെക്രട്ടറി കെ.ജി റഷീദ് തന്റെ ദീര്‍‌ഘകാല അസോസിയേഷന്‍ നേതൃത്തത്തിലെ കൈപ്പും മധുരവും പങ്കുവെച്ചു.ജനറല്‍ സെക്രട്ടറി ദ്വിവര്‍‌ഷ റിപ്പോര്‍‌ട്ടും വിവിധ വകുപ്പുകളുടെ ചുമതലയുള്ളവരായ അനസ്‌ ഉമര്‍ അനീസ് അബ്ബാസ് ഹാരിസ് അബ്ബാസ് തുടങ്ങിയവര്‍ തങ്ങളുടെ റിപ്പോര്‍‌ട്ടുകളുടെ സം‌ക്ഷിപ്‌ത വിവരങ്ങളും സദസ്സില്‍ അവതരിപ്പിച്ചു.
കഴിഞ്ഞ പ്രവര്‍‌ത്തന കാലയളവില്‍ അനഭലഷീണീയ പ്രവണതയായി തോന്നിയ കാര്യങ്ങള്‍ സദസ്സില്‍ വിശദീകരിക്കുകയും വിലയിരുത്തുകയും പരസ്പരം ബോധ്യപ്പെടുത്തുകയും ചെയ്‌തു.
പ്രസിഡണ്ടിന്റെ സ്‌നേഹ വിരുന്നിനു ശേഷം വീണ്ടും കൂടിയിരുന്ന്‌ വരാനിരിക്കുന്ന ജനറല്‍ബോഡിയുമായി ബന്ധപ്പെട്ട വിഷയങ്ങളില്‍ കാലോചിതമായ ചില മാറ്റങ്ങള്‍ സമിതി അം‌ഗീകരിച്ചു.തെരഞ്ഞെടുപ്പ് ചുമതലയുള്ള ആരിഫ് ഖാസ്സിം വളരെ ഹ്രസ്വമായി പ്രസ്‌തുത വിഷയങ്ങള്‍ വിശദീകരിച്ചു.തെരഞ്ഞെടുപ്പ് പ്രക്രിയക്ക് സഹായികളായി മുന്‍ കൂട്ടി നിശ്ചയിക്കപ്പെട്ടവരൂടെ അഭാവത്തില്‍ അവസരത്തിനൊത്ത് പ്രവര്‍‌ത്തിക്കാനുള്ള സ്വാതന്ത്ര്യം വിനിയോഗിക്കാമെന്നും തീരുമാനിച്ചു.
അല്ലാഹുവിന്റെ പ്രതീ മാത്രം കാം‌ക്ഷിച്ച് നാടിനും നാട്ടുകാര്‍‌ക്കും വേണ്ടിയുള്ള പ്രവര്‍‌ത്തനത്തില്‍ ഉത്തരവദിത്ത ബോധത്തോടെ അതീവ ജാഗ്രതയോടെ മുന്നേറാന്‍ ആഹ്വാനം ചെയ്‌തു കൊണ്ട് അബ്‌ദുല്‍ ഖാദര്‍ പുതിയവീട്ടില്‍ ഉദ്‌ബോധനവും പ്രാര്‍‌ഥനയും നടത്തി.
സെക്രട്ടറി ഫൈസല്‍ അബ്‌ദുല്‍ കരീമിന്റെ നന്ദി പ്രകാശനത്തോടെ,പ്രസിഡണ്ടിന്റെ വസതിയില്‍ ചേര്‍‌ന്ന യോഗം അവസാനിച്ചു.
=============
28.01.2025
തെരഞ്ഞെടുപ്പുമായി ബന്ധപ്പെട്ട പ്രവര്‍‌ത്തക സമിതി തീരുമാനങ്ങള്‍
-----------
പ്രസിഡന്റ്‌ ജനറല്‍ സെക്രട്ടറി എന്നീ രണ്ട് പദവികളിലേക്ക് രഹസ്യ ബാലറ്റ് വഴി തെരഞ്ഞെടുപ്പ് നടക്കും.ഇതിന്ന്‌ ഉചിതമായ സം‌വിധാനങ്ങള്‍ തെരഞ്ഞെടുപ്പ് നിയന്ത്രിക്കാന്‍ ഉത്തരവാദപ്പെട്ടവര്‍ കണ്ടെത്തും.
21 പേരടങ്ങിയ പ്രവര്‍‌ത്തക സമിതിക്ക്‌ വേണ്ടി മൊത്തം അംഗങ്ങളില്‍ നിന്ന്‌ സന്നദ്ധതയുള്ളവരേയും മഹല്ലിലെ അംഗങ്ങള്‍ നിര്‍ദേശിക്കുന്നവരേയും പരിഗണിച്ചു കൊണ്ടായിരിക്കും പ്രവര്‍‌ത്തക സമിതിയെ തെരഞ്ഞെടുക്കുന്നത്.
ഓരോ അം‌ഗത്തിനും ഒന്നില്‍ കൂടുതല്‍ പേരെ നോമിനേറ്റ് ചെയ്യാന്‍ സാധിക്കുകയില്ല.
തെരഞ്ഞെടുക്കപ്പെട്ട പ്രവര്‍‌ത്തക സമിതിയുടെ പ്രഥമ കൂടിയിരുത്തത്തില്‍ വെച്ച് ഉപാധ്യക്ഷനേയും ഫിനാന്‍‌സ് സെക്രട്ടറിയേയും അസി. സെക്രട്ടറിമാരെയും ഇതര വകുപ്പുകള്‍‌ക്ക് യോഗ്യരായവരെയും നിയോഗിയ്‌ക്കും.
സമിതിയുടെ പ്രവര്‍‌ത്തന കാലാവധി 2 വര്‍ഷമായിരിക്കും.
ഏറ്റവും നല്ലരീതിയില്‍ പരസ്പരം സലാം പറഞ്ഞ്‌ പ്രാര്‍ഥനയോടെ പിരിയണം.
തെരഞ്ഞെടുപ്പുമായി ബന്ധപ്പെട്ട കാര്യങ്ങളില്‍ അന്തിമ തീരുമാനം തെരഞ്ഞെടുപ്പ് കമ്മീഷനില്‍ നിക്ഷിപ്‌തമായിരിയ്‌ക്കും.
===========
